قۇرلىق اسكەرلەرى اسكەري ينستيتۋتىنىڭ كۋرسانتتارى الماتى قالاسىنداعى №1 بالالار ءۇيىنىڭ تاربيەلەنۋشىلەرىمەن كەزدەسۋ وتكىزدى. كەزدەسۋ كەزىندە جەتىم بالالارعا سىيلىقتار تاپسىرىلىپ, قىزىقتى كونتسەرتتىك باعدارلامالار ۇسىنىلدى.
قۇرلىق اسكەرلەرى اسكەري ينستيتۋتىنىڭ كۋرسانتتارى الماتى قالاسىنداعى №1 بالالار ءۇيىنىڭ تاربيەلەنۋشىلەرىمەن كەزدەسۋ وتكىزدى. كەزدەسۋ كەزىندە جەتىم بالالارعا سىيلىقتار تاپسىرىلىپ, قىزىقتى كونتسەرتتىك باعدارلامالار ۇسىنىلدى.
قورعانىس مينيسترلىگىنە قاراستى اسكەري ماماندار دايارلايتىن وقۋ ورداسىنىڭ 1-3 كۋرس كۋرسانتتارى باعاناشىلداعى №1 بالالار ءۇيىنىڭ فۋتبول كومانداسىنا قاجەتتى سپورت كيىمدەرى مەن بەينە جانە اۋديو اپپاراتۋرالارىن سىيعا تارتتى. سونىمەن بىرگە, ينستيتۋتتىڭ كوركەمونەرپازدار ۇجىمى بالالارعا ارناپ, قىزىقتى ويىن-ساۋىق باعدارلاماسىن ازىرلەدى. بالالار الدىندا «ستۋدەنت كوكتەمى – 2013» جانە «جاس ۇلان» فەستيۆالىنىڭ جەڭىمپاز كۋرسانتتارى, ينستيتۋتتىڭ كوڭىلدى تاپقىرلار كلۋبى قۇراما كومانداسى, اقىن-كۋرسانتتار ءوز ونەرلەرىن كورسەتتى.
الماتى قالاسىنداعى №1 بالالار ۇيىندە 3 جاستان 18 جاسقا دەيىنگى 186 ءجاسوسپىرىم تاربيەلەنۋدە. كۋرسانتتار مۇنداعى تاربيەلەنىپ جاتقان بالالاردىڭ قيىن تاعدىرلارىنا قاراماستان, وتە مەيىرىمدى ءارى بولاشاققا سەنىممەن قارايتىندىقتارىن اتاپ ءوتتى.
بولاشاق وفيتسەرلەر اتالعان بالالار ءۇيىنىڭ ءتاربيەلەنۋشىلەرىمەن تەز ءتىل تابىسىپ, جوعارى سىنىپ وقۋشىلارىن قۇرلىق اسكەرلەرىنىڭ اسكەري ينستيتۋتىنا قوناققا شاقىردى. سونداي-اق, اي سايىن سپورتتىڭ ارتۇرىنەن ءبىرلەسىپ جارىستار وتكىزىپ تۇرۋعا شەشىم قابىلداندى.
«ەگەمەن-اقپارات».