«نايداروۆ» جشس ونىمدەرىنىڭ ەۋرووداق پەن ازيانىڭ 16 ەلىنە وتىمدىلىگىمەن بىرگە باسەكەلەستىگى دە ءوسىپ وتىر
ءوندىرىستى ءوڭىردىڭ استىقتى ايماعى سانالاتىن وساكاروۆ اۋدانىندا بۇگىندە وسى بايلىق كوزى ارقىلى جەتىستىكتەرىن شالقىتۋشى شارۋاشىلىقتار قاتارى جىلدان-جىلعا ۇلعايىپ كەلەدى. وسىنداي ءىستى ىلگەرى باستىرۋشىلاردىڭ ىشىندە «نايداروۆ» جشس الدىمەن كوزگە تۇسەدى. بۇدان ءتورت-بەس جىل بۇرىن ارتىلعان ءونىمدى وتكىزۋگە قينالۋشى سەرىكتەستىكتىڭ ەندى ونى قايدا دا جونەلتۋگە جولى كەڭ. اسىرەسە, ءداندى داقىلداردىڭ ءتۇر-ءتۇرىن وسىرۋگە, ەگىنشىلىكتى ارتاراپتاندىرۋعا بارىنشا بەتبۇرىس جاسالۋدان بەرى سىرتقى رىنوكتا باسەكەلەستىكتە مىسى باسىم بولا ءتۇسىپ وتىر.
«نايداروۆ» جشس ونىمدەرىنىڭ ەۋرووداق پەن ازيانىڭ 16 ەلىنە وتىمدىلىگىمەن بىرگە باسەكەلەستىگى دە ءوسىپ وتىر
ءوندىرىستى ءوڭىردىڭ استىقتى ايماعى سانالاتىن وساكاروۆ اۋدانىندا بۇگىندە وسى بايلىق كوزى ارقىلى جەتىستىكتەرىن شالقىتۋشى شارۋاشىلىقتار قاتارى جىلدان-جىلعا ۇلعايىپ كەلەدى. وسىنداي ءىستى ىلگەرى باستىرۋشىلاردىڭ ىشىندە «نايداروۆ» جشس الدىمەن كوزگە تۇسەدى. بۇدان ءتورت-بەس جىل بۇرىن ارتىلعان ءونىمدى وتكىزۋگە قينالۋشى سەرىكتەستىكتىڭ ەندى ونى قايدا دا جونەلتۋگە جولى كەڭ. اسىرەسە, ءداندى داقىلداردىڭ ءتۇر-ءتۇرىن وسىرۋگە, ەگىنشىلىكتى ارتاراپتاندىرۋعا بارىنشا بەتبۇرىس جاسالۋدان بەرى سىرتقى رىنوكتا باسەكەلەستىكتە مىسى باسىم بولا ءتۇسىپ وتىر.
ەسىك اشقان جىل دا « نايداروۆ» ءۇشىن جاعىمدى جاڭالىق الا كەلدى. ۇدەمەلى يندۋستريالىق-يننوۆاتسيالىق دامۋدىڭ مەملەكەتتىك باعدارلاماسىن ىسكە اسىرۋ بويىنشا وبلىستىق ۇيلەستىرۋ كەڭەسىنىڭ وتىرىسىندا «تارى ءوندىرۋدىڭ جەلىسىن ىسكە قوسۋ» جوباسى قولدانىلىپ, قۇلاشتى كەڭەيتۋگە تاعى ءبىر قادام جاسالدى.
بۇل جوبا بيىل, دالىرەك ايتقاندا, قاراشا ايىندا ورىندالۋعا ءتيىس. وندا كوزدەلگەندەي, وسىرىلگەن داقىلداردان بۇدان بىلاي قاراي سەرىكتەستىكتىڭ ءوز كۇشىمەن ۇن تارتىلىپ, دايىن ءونىم رەتىندە ساتىپ الۋشىلارعا تىكەلەي ۇسىنىلادى. مۇنىمەن بىرگە, جىلىنا 4 مىڭ توننا تارى, ارپا, بۇرشاق جارماسىن دايىنداۋ ءىسى جولعا قويىلادى. ءسويتىپ, بۇعان دەيىن زىعىر ەگۋ كولەمىن كوبەيتىپ, كۇنباعىس ءوسىرۋدى دە ۇلعايتقان شارۋاشىلىققا جاڭا پايدالى ءىستى دامىتۋ تابىستى ەسەگەلى تۇر.
– استىق وندىرىسىمەن عانا شۇعىلدانىپ كەلگەن سەرىكتەستىگىمىزدىڭ الەمدىك رىنوك سۇرانىسىنا وراي داقىلداردىڭ ءار ءتۇرىن وسىرۋگە كوڭىل ءبولۋى ۋاقىت تالابى بولىپ تابىلادى. سونىڭ ارقاسىندا ەۋرووداق پەن ازيانىڭ 16 ەلىنە ونىمدەرىمىزدى وتكىزۋگە مۇمكىندىك تۋدى. ەكسپورت الىنباس قامال ەمەس ەكەن. كۇنى كەشە ارمانداي كورىنۋشى ەدى. باستاپقى ماقساتىمىزعا جەتتىك. بۇدان ارعى مىندەت – ونىمدەرىمىزدى ودان سايىن ءوتىمدى ەتە ءتۇسۋ, – دەيدى «نايداروۆ» جەتەكشىسى پاۆەل لۋششاك.
سەرىكتەستىكتىڭ ەگىنشىلىكتى دە, ەڭبەكتى دە ۇتىمدى ۇيىمداستىرا بىلۋدەگى ۇلگىلى ىزدەنىستەرى كوپ. ماسەلەن, 15 مىڭ گەكتار ەگىستىك القاپتىڭ 85 پايىزى ىلعالدى ۇزاق ساقتاۋ تەحنولوگياسى بويىنشا ەگىلەدى. جەرگىلىكتى تابيعات ەرەكشەلىگىنە بەيىمدەلگەن زىعىردى ءوسىرۋدى 4 ەسەگە ۇلعايتۋ دا جايدان-جاي ەمەس بولدى. بۇل شارۋاشىلىق رەنتابەلدىلىگىن بيدايعا قاراعاندا 2,5 ەسەگە كوتەرۋگە سەپتىگىن ءبىر تيگىزسە, وتە ءوتىمدى ءونىم رەتىندە دە تانىلدى. ول نەگىزىنەن اقش تۇتىنۋشىلارى سۇرانىسىنا يە. وسىلايشا, سەرىكتەستىك ايماقتاعى اۋىلشارۋاشىلىق قۇرىلىمدارى اراسىندا باستى ەسكپورتتاۋشىعا اينالىپ كەلەدى.
ايقىن نەسىپباي,
«ەگەمەن قازاقستان».
قاراعاندى وبلىسى.