اتىراۋدا ن.تىلەنديەۆ اتىنداعى كىشى ونەر اكادەمياسى بار. اكادەميانىڭ 11-سىنىپ وقۋشىسى اسلان تىلەسوۆ IT-تەحنولوگياعا بەت بۇرعان. جاقىندا ءوزى ويلاپ تاپقان QazHydrant جاڭا موبيلدىك قوسىمشاسىن تانىستىردى.
– مەن IT-تەحنولوگيانىڭ ەرەكشەلىكتەرىن 8-سىنىپتان بەرى زەرتتەپ كەلەمىن. بۇل جوبانى ءورت ءسوندىرۋ قىزمەتىن وڭتايلاندىرۋ ءۇشىن دايىندادىم. جاڭا قوسىمشانى دايىنداۋعا ء«بىلىم-يننوۆاتسيا» ليتسەيىندەگى زامانداستارىم ابدىكەرىم نودياروۆ پەن ءادىلجان سالپەكوۆ كومەك بەردى. قوسىمشانى دايىنداۋداعى ماقساتىم – ءورت سوندىرۋشىلەردىڭ قىزمەتىن جەدەلدەتۋگە قول ۇشىن سوزۋ. ويتكەنى ءورت ءسوندىرۋ كەزىندە توتەنشە جاعداي قىزمەتىنىڭ ماماندارى گيدرانتتاردى تابا الماي, ابىگەرگە تۇسەدى. اسىرەسە, تۇنگى مەزگىلدە تابۋ قيىن, – دەيدى جاڭا قوسىمشانىڭ اۆتورى اسلان تىلەسوۆ.
وقۋشىنىڭ ايتۋىنشا, ەندى Google كارتاسىنان اتىراۋ قالاسىنداعى بارلىق گيدرانتتىڭ قاي جەردە ورنالاسقانىن ناۆيگاتسيالىق جۇيەمەن انىقتاۋعا مۇمكىندىك بار. سول سەبەپتەن, ءورت سوندىرۋشىلەر موبيلدىك قوسىمشاعا قىزىعۋشىلىق تانىتىپ وتىر.
– بۇل قوسىمشانىڭ ءالى دە جەتىلدىرەتىن تۇسى بار. دەگەنمەن جاقىندا جوبانى تولىقتىرىپ, ىسكە قوسۋ جولدارى قاراستىرىلادى. بۇعان قوسا, اstanaHub ۇيىمداستىرعان Smart City Accelerator بايقاۋىنا قاتىسىپ, ءبىرىنشى كەزەڭىنىڭ ىرىكتەۋىنەن ءوتتىم, – دەيدى اسلان تىلەسوۆ.
اتىراۋ وبلىسى