قازاقستان رەجيسسەرى ەرلان نۇرمۇحامبەتوۆ پەن جاپونيا رەجيسسەرى ليزا تاكەبا بىرلەسىپ تۇسىرگەن «بارىمتاشىلار. ۋاقىت جولدارى» ءفيلمى فرانتسيادا پروكاتقا شىقتى, دەپ جازادى Egemen.kz «قازاقفيلمگە» سىلتەمە جاساپ.
كينوتۋىندىنىڭ پروديۋسەرى يۋليا كيمنىڭ ايتۋىنشا, كارتينا فرانتسيانىڭ 21 قالاسىندا كورسەتىلەدى. بۇگىن پاريجدەگى Espace Saint Michel كينوتەاترىندا ءفيلمنىڭ ارنايى كورسەتىلىمى وتەدى.
«وسى ءبىر جارىم جىل ىشىندە قانشاما توگىلگەن تەر, اتقارىلعان جۇمىس جاتىر. پاندەمياعا بايلانىستى فرانتسياداعى تۇساۋكەسەر ءۇش مارتە كەيىنگە شەگەرىلدى. دەگەنمەن, قيىندىققا قاراماستان ءۇمىتىمىز ۇزىلمەدى. ءفيلمنىڭ ءتۇسىرۋ توبى مەن اكتەرلەرىمىزدى وسى قۋانىشپەن قۇتتىقتايمىن»,دەپ جازدى پروديۋسەر ءوزىنىڭ Facebook-تەگى پاراقشاسىندا.
ەستەرىڭىزگە سالا كەتسەك, وندىرىسىنە «قازاقفيلم» جانە جاپوندىق Tokyo New Cinema كومپانياسى اتسالىسقان فيلم ولجاس ەسىمدى 12 جاستاعى بالا تۋرالى. ونىڭ اكەسى بارىمتاشىلاردىڭ قولىنان قازا تاپقان.
فيلمدە باستى رولدەردى كانن كينوفەستيۆالىندە ۇزدىك اكتريسا اتانعان سامال ەسلياموۆا (قازاقستان), تانىمال قازاقستاندىق اكتەر دۋلىعا اقمولدا,ء مادي مينايداروۆ جانە جاپوندىق اكتەر ميراي مورياما سومدايدى.
ايتا كەتەيىك, «بارىمتاشىلار. ۋاقىت جولدارى» ءفيلمى العاش 2019 جىلى حالىقارالىق بۋسان كينوفەستيۆالىندە كورسەتىلگەن بولاتىن. بىلتىر جاپونيادا پروكاتقا شىققان. ال قازاقستاندا سانتيارلىق-ەپيدەميالىق احۋال جاقسارعاندا پروكاتقا شىعادى دەپ جوسپارلانىپ وتىر.