كەشە قاسىم-جومارت توقاەۆتىڭ توراعالىق ەتۋىمەن قازاقستان رەسپۋبليكاسى پارلامەنتى سەناتى بيۋروسىنىڭ وتىرىسى بولدى. سەنات توراعاسى پرەزيدەنت ن.ءا.نازارباەۆتىڭ ۇزاق مەرزىمدى ستراتەگياسىن دايەكتى ىسكە اسىرۋ ماقساتىندا پارلامەنت جوعارعى پالاتاسى دەپۋتاتتارىنىڭ كەلىسىلگەن جانە جىگەرلى جۇمىستارىنىڭ ماڭىزىن اتاپ ءوتتى.
كەشە قاسىم-جومارت توقاەۆتىڭ توراعالىق ەتۋىمەن قازاقستان رەسپۋبليكاسى پارلامەنتى سەناتى بيۋروسىنىڭ وتىرىسى بولدى. سەنات توراعاسى پرەزيدەنت ن.ءا.نازارباەۆتىڭ ۇزاق مەرزىمدى ستراتەگياسىن دايەكتى ىسكە اسىرۋ ماقساتىندا پارلامەنت جوعارعى پالاتاسى دەپۋتاتتارىنىڭ كەلىسىلگەن جانە جىگەرلى جۇمىستارىنىڭ ماڭىزىن اتاپ ءوتتى.
بيۋرودا سەنات كوميتەتتەرىنە ماجىلىستە ماقۇلدانعان زاڭ جوبالارى ءبولىندى. قارجى جانە بيۋدجەت كوميتەتىنە بەرندە 1999 جىلعى 21 قازاندا قول قويىلعان قازاقستان ۇكىمەتى مەن شۆەيتساريا فەدەرالدىق كەڭەسى اراسىنداعى تابىس پەن كاپيتالعا سالىناتىن سالىقتارعا قاتىستى قوسارلانعان سالىق سالۋدى بولدىرماۋ تۋرالى كونۆەنتسياعا جانە حاتتاماعا وزگەرىستەر مەن تولىقتىرۋلار ەنگىزۋ تۋرالى قازاقستان ۇكىمەتى مەن شۆەيتساريا فەدەرالدىق كەڭەسى اراسىنداعى حاتتامانى راتيفيكاتسيالاۋ زاڭ جوباسى بەرىلدى. وسى كوميتەت قازاقستان مەن ەۋروپا قايتا قۇرۋ جانە دامۋ بانكى اراسىنداعى ىنتىماقتاستىق پەن قىزمەتىنە قاتىستى كەلىسىمدى راتيفيكاتسيالاۋ تۋرالى زاڭ جوباسىن دا الدى. كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتى زاڭناماعا تۇرمىستىق زورلىق-زومبىلىققا قارسى ماسەلەلەر بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوباسى بويىنشا باس كوميتەت بولىپ بەلگىلەندى.
بيۋرو مۇشەلەرى سەناتتىڭ 16 قاڭتاردا بولاتىن جاڭا جىلداعى العاشقى وتىرىسىنىڭ كۇن ءتارتىبىن دە قارادى. اتاپ ايتقاندا, سەناتورلار تمد-عا قاتىسۋشى مەملەكەتتەر كۇشتەرىنىڭ اۋە شابۋىلىنا قارسى قورعانىس جونىندەگى كەزەكشىلەرىنىڭ اۋە كەمەسىن باسىپ الۋ (ۇشىرىپ اكەتۋ) تۋرالى اقپاراتتى العان كەزدەگى ءىس-قيمىلدارىن ۇيىمداستىرۋ تۋرالى كەلىسىمدى راتيفيكاتسيالاۋ جانە ۇجىمدىق قاۋىپسىزدىك تۋرالى شارت ۇيىمىنا مۇشە مەملەكەتتەردىڭ اۋماقتارىنا اسكەري ينفراقۇرىلىم وبەكتىلەرىن ورنالاستىرۋ تۋرالى حاتتامانى راتيفيكاتسيالاۋ تۋرالى زاڭ جوبالارىن قاراۋدى جوسپارلادى. ودان باسقا, سەنات زاڭناماعا قازاقستان رەسپۋبليكاسىنىڭ حالىقارالىق شارتتارى ماسەلەلەرى بويىنشا تۇزەتۋلەردى قارايتىن بولادى.