قىزىلورداعا جاڭا اۆتوبۋستار جەتكىزىلدى

بۇگىن, قىزىلوردا قالاسىنا قىتايدان 20 جاڭا اۆتوبۋس جەتكزىلدى. بۇل تۋرالى Ras.kz حابارلادى.

 يگىلىكتى باستاما وتكەن جىلى وبلىس اكىمدىگى, «بايقوڭىر» اكك جانە ەۋروپالىق قايتا قۇرۋ دامۋ بانكى اراسىندا جۇرگىزىلگەن ۇشجاقتى مەموراندۋم نەگىزىندە ىسكە اسىرىلىپ وتىر. جالپى, جوعارىدا اتالعان اۆتوبۋستاردى ساتىپ الۋعا ەۋروپالىق قايتا قۇرۋ جانە دامۋ بانكىنەن 18,8 ملن. دوللار بولىنگەن ەكەن. قالالىق ىشكى ساياسات ءبولىمىنىڭ باسشىسى بالدىرعان مامەننىڭ مالىمدەۋىنشە, جاڭا اۆتوبۋستار گازبەن جۇرەدى جانە مۇگەدەكتەردىڭ قاتىناۋىنا ىڭعايلى.

الداعى مەرزىمدە تاعى 100 اۆتوبۋس اكەلىنەتىن كورىنەدى. سونداي-اق جاڭا اۆتوبۋس پاركىن سالۋ جوسپارلانۋدا. كەلەسى ايتپاعىمىز, كولىك جۇرگىزۋشىلەرى مەن كوندۋكتورلارعا ارنايى كيىم الىنىپ, قاۋىپسىزدىك ماسەلەسىنە مۇقيات بولۋ كەرەكىتىگى الدىن الا ەسكەرتىلگەن.

وسىعان دەيىن جولاۋشىلار قىزمەتىندە ءتۇيىندى تۇيىتكىلدىڭ تۋىنداعانى راس. سونىڭ ءبىرى – مۇگەدەكتەردىڭ ءمىنىپ-تۇسۋىنە قولايلى جاعداي جاسالماعان بولاتىن. ەندى, مىنە, ءۇش جاقتى مەموراندۋم نەگىزىندە كۇرمەۋلى ماسەلەنىڭ ءتىنى جاقىن ارادا تارقاتىلعالى وتىر.

باقىتبەك كەنەش ۇلى.

دەرەككوز: Ras.kz

فوتو: Ras.kz.