قازاقستان رەسپۋبليكاسىنىڭ پرەمەر-ءمينيسترى اسقار مامين تاجىكستان رەسپۋبليكاسىنىڭ پرەمەر-ءمينيسترى كوحير راسۋلزودامەن تەلەفون ارقىلى سويلەستى, دەپ حابارلايدى Egemen.kz رrimeminister.kz سايتىنا سىلتەمە جاساپ.
ۇكىمەت باسشىلارى ساۋدا-ەكونوميكا, ونەركاسىپ, اۋىل شارۋاشىلىعى, سۋ-ەنەرگەتيكا, ترانزيتتىك-كولىك سالالارىنداعى ەكىجاقتى ىنتىماقتاستىقتىڭ وزەكتى ماسەلەلەرىن تالقىلادى.
سىرداريا وزەنى باسسەينىندەگى سۋ شارۋاشىلىعى جاعدايىن جاقسارتۋ جونىندەگى بىرلەسكەن شارالارعا ەرەكشە نازار اۋدارىلدى.
قوس تاراپ تاجىكستان رەسپۋبليكاسى بيىلعى 24 شىلدەدەن باستاپ قازاقستان, وزبەكستان جانە تاجىكستان تاراپتارى 2021 جىلعى 16 ماۋسىمدا قول قويعان حاتتامادا كەلىسىلگەن كولەمدەردەن ارتىق 50 م³/س شىعىنمەن «باحري توچيك» سۋ قويماسىنان قازاقستان رەسپۋبليكاسىنا قوسىمشا سۋ جىبەرۋدى باستايدى دەپ ۋاعدالاستى.