ششۋچە قالاسىندا بۋراباي اۋدانارالىق ۇلتتىق قاۋىپسىزدىك كوميتەتى دەپارتامەنتىنىڭ جاڭا عيماراتى پايدالانۋعا بەرىلدى. نەبارى جارتى جىلدا قاتارعا قوسىلعان قوس قاباتتى كەڭسەدە جۇمىس تيىمدىلىگىن ارتتىرۋعا باعىتتالعان بارلىق جاعدايلار قاراستىرىلعان.
ششۋچە قالاسىندا بۋراباي اۋدانارالىق ۇلتتىق قاۋىپسىزدىك كوميتەتى دەپارتامەنتىنىڭ جاڭا عيماراتى پايدالانۋعا بەرىلدى. نەبارى جارتى جىلدا قاتارعا قوسىلعان قوس قاباتتى كەڭسەدە جۇمىس تيىمدىلىگىن ارتتىرۋعا باعىتتالعان بارلىق جاعدايلار قاراستىرىلعان.
سالتاناتتى شاراعا ۇلتتىق قاۋىپسىزدىك كوميتەتىنىڭ توراعاسى نۇرتاي ابىقاەۆ پەن اقمولا وبلىسىنىڭ اكىمى قوسمان ايتمۇحامەتوۆ قاتىسىپ, ساۋلەتتى ءۇيدىڭ جىبەك باۋىن كەستى. قىزمەت بولمەلەرىن ارالاپ كورگەن ۇقك توراعاسى وبلىس قۇقىق قورعاۋ ورگاندارى باسشىلارىمەن, ىرگەلەس اۋدان اكىمدەرىمەن, مەكەمە باسشىلارىمەن ءماجىلىس وتكىزدى. وندا ءوڭىر باسشىسى ءسوز سويلەپ, ۇلتتىق قاۋىپسىزدىك كوميتەتى اقمولا وبلىسى بويىنشا دەپارتامەنتىنىڭ باستىعى داۋلەت قىستالاسوۆ, وبلىس پروكۋرورى مۇراتبەك يساديلوۆ, ۇلتتىق قاۋىپسىزدىك كوميتەتى بۋراباي اۋدانارالىق دەپارتامەنتىنىڭ باستىعى اسقار ايتباەۆ وڭىردەگى وپەراتيۆتى جاعداي تۋرالى باياندادى.
– بۇل – ۋاقىت تالابىنا ساي جابدىقتالعان اۋدانارالىق دەڭگەيدەگى بىرەگەي عيمارات, – دەدى ۇلتتىق قاۋىپسىزدىك كوميتەتىنىڭ توراعاسى نۇرتاي ابىقاەۆ. – بۋراباي – مەملەكەت باسشىسى نۇرسۇلتان نازارباەۆتىڭ ايرىقشا نازارىنداعى جاۋھار ولكە. مۇندا تۋريزم يندۋسترياسىمەن قاتار, ەل مەرەيىن كوتەرەر حالىقارالىق قارىم-قاتىناستاردى نىعايتۋعا باعىتتالعان شارالار اۋقىمى كەڭ. سوندىقتان, ۇلتتىق قاۋىپسىزدىك ماسەلەلەرىنە ەرەكشە نازار اۋدارىلادى. جۇمىس بارلىق باعىتتا جۇرگىزىلۋى ءتيىس. بۇگىنگى شارامىز تيىمدىلىكتى ارتتىرۋعا سەپتىگىن تيگىزەدى دەپ بىلەمىن.
باقبەرگەن امالبەك,
«ەگەمەن قازاقستان».
اقمولا وبلىسى.