بۇگىن, 23 شىلدە كۇنى, جاپونيا استاناسى توكيودا جانكۇيەرلەر اسىعا كۇتكەن XXXII جازعى وليمپيادا ويىندارىن باستالادى. ءبىر جىلعا كەيىنگە شەگەرىلگەن 2020 جىلعى وليمپيادا ۇيىمدستىرۋ كوميتەتىنىڭ, حالىقارالىق وليمپيادا كوميتەتىنىڭ جانە جاپونيا بيلىگىنىڭ تالاپ-ەرەجەلەرىنە ساي وتكىزىلەدى, دەپ حابارلايدى Egemen.kz.
Olympic.kz ولمپيادانىڭ العاشقى كۇنىندەگى قازاقستاندىق سپورتشىلاردىڭ جارىس كەستەسىن نازارلارىڭىزعا ۇسىنادى.
نۇر-سۇلتان جانە توكيو قالالارىنداعى ۋاقىت ايىرماشىلىعى +3 ساعاتقا تەڭ. ويىننىڭ العاشقى جارىس كۇنىندە ساداق اتۋدان ءۇش قازاقستاندىق سپورتشى جانە اكادەميالىق ەسۋدەن قازاقستان كومانداسىنىڭ وكىلى ىرىكتەۋ كەزەڭىن باستايدى.
#TeamKZ مۇشەلەرىنىڭ جارىس كەستەسى, نۇر-سۇلتان ۋاقىتىمەن:
ساداق اتۋ. ەرلەر:
سانجار مۇساەۆ, يلفات ابدۋللين, دەنيس گانكين.
باستالۋى: 10:00.
اكادەميالىق ەسۋ, ىرىكتەۋ:
ۆلاديسلاۆ ياكوۆلەۆ
باستالۋى: 5:30
توكيو وليمپياداسىندا الەمنىڭ 200 مەملەكەتىنەن كەلگەن 11 مىڭعا جۋىق سپورتشى سپورتتىڭ 33 تۇرىنەن باق سىنايدى. اتلەتتەر جالپى ەسەبى 339 جۇلدە جيىنتىعىن ساراپقا سالادى.
وليمپيادانىڭ اشىلۋ سالتاناتى 17:00-دە باستالادى.