ويىل اۋدانىنىڭ ورتالىعىندا «داڭق» ساياباعى سالىنىپ جاتقانى تۋرالى بۇرىن دا جازعانبىز. جاقىندا ويىل اۋىلىندا جاڭادان بوي كوتەرگەن وسى ساياباق سالتاناتتى جاعدايدا اشىلدى. ساياباقتىڭ سالتاناتتى اشىلۋ راسىمىنە اۋدانعا جۇمىس ساپارىمەن كەلگەن وبلىس اكىمى ارحيمەد مۇحامبەتوۆ قاتىستى.
ويىل اۋدانىنىڭ ورتالىعىندا «داڭق» ساياباعى سالىنىپ جاتقانى تۋرالى بۇرىن دا جازعانبىز. جاقىندا ويىل اۋىلىندا جاڭادان بوي كوتەرگەن وسى ساياباق سالتاناتتى جاعدايدا اشىلدى. ساياباقتىڭ سالتاناتتى اشىلۋ راسىمىنە اۋدانعا جۇمىس ساپارىمەن كەلگەن وبلىس اكىمى ارحيمەد مۇحامبەتوۆ قاتىستى.
اتالمىش ساياباقتىڭ قۇرىلىسى وبلىستىق «كوركەيە بەر, تۋعان جەر!» اكتسياسىنىڭ اياسىندا «انۆار» جشس قولداۋىمەن جۇرگىزىلدى. جالپى اۋماعى 5,5 مىڭ شارشى مەتردەن اساتىن ساياباق الاڭىنا قازاقتىڭ اياۋلى قىزدارىنىڭ ءبىرى بوتاگوز باتىرعا ارنالعان ەسكەرتكىش ورناتىلىپ, ەكى جۇزدەن استام اعاش كوشەتتەرى وتىرعىزىلعان. بوتاگوز باتىر – تاما ەسەت باتىردىڭ قىزى, ءاجىباي ءبيدىڭ كەلىنى. ول جاسىنان وجەت, شەشەن بولىپ وسكەن, قازاق جەرىن شاپقىنشى قالماقتاردان ازات ەتۋگە قاتىسقان بوتاگوز باتىردىڭ ءاجىباي ءبيدىڭ اۋىلىنا شاپقان شاپقىنشىلاردى تالقانداعان جەر – تەمىر اۋدانىنىڭ اۋماعىندا «قالماققىرعان» دەپ اتالادى. وبلىس اكىمى «داڭق» ساياباعىمەن بىرگە بوتاگوز باتىردىڭ ەسكەرتكىشىن سالتاناتتى تۇردە اشتى. ەسكەرتكىشتىڭ اشىلۋىندا ءسوز العان ءوڭىر باسشىسى كوكجار جەرىنىڭ تاريحي مۇرالارعا باي ەكەنىن, قۇندى جادىگەرلەردىڭ كوپتەپ ساقتالعانىن ايتتى. ول بيىلدان باستاپ ويىلعا گاز قۇبىرىن تارتۋ جۇمىستارى باستالاتىنىن جەتكىزدى. بۇل ماقساتقا بيۋدجەتتەن 380 ملن. تەڭگە قارجى ءبولىنىپتى.
سالتاناتتى ساتتە وبلىس اكىمى اۋداندا مەملەكەتتىك تۇرعىن ءۇي باعدارلاماسى اياسىندا سالىنعان التى تۇرعىن ءۇيدىڭ كىلتىن تاپسىردى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.