نۇر-سۇلتاندا 24 شىلدە كۇنى ۆاكتسيناتسيا العاندار اراسىندا ەكى iPhone 12 جانە باسقا دا باعالى سىيلىقتاردىڭ كەزەكتى ۇتىس ويىنى وتەدى, دەپ حابارلايدى Egemen.kz قالا اكىمىنىڭ رەسمي سايتىنا سىلتەمە جاساپ.
نۇر-سۇلتاندا ۆاكتسيناتسيالانعاندار اراسىندا باعالى سىيلىقتار ويناتىلادى. كەزەكتى ەكى iPhone 12 جانە باسقا دا قۇندى سىيلىقتاردىڭ ءۇشىنشى ۇتىس ويىنىنا 17 شىلدە مەن 23 شىلدە ارالىعىندا ۆاكتسيناتسيالانعاندار قاتىسادى. قاتىسۋ اۆتوماتتى تۇردە جۇرگىزىلەدى. وعان ارنايى قۇجات تولتىرىپ, تىركەلۋدىڭ قاجەتى جوق.
ۇتىس تىكەلەي ەفيردە 24 شىلدە (سەنبى) كۇنى ساعات 17:00-دە نۇر-سۇلتان قالاسى اكىمدىگىنىڭ الەۋمەتتىك جەلىلەردەگى (Facebook, YouTube) پاراقشالارىندا وتەدى. ەلوردا اكىمدىگى iPhone 12 جانە باسقا دا باعالى سىيلىقتاردىڭ ۇتىس ويىنىن اپتا سايىن, جازدىڭ سوڭىنا دەيىن وتكىزەدى.
ەستەرىڭىزگە سالا كەتەيىك, ءتورت iPhone 12 جانە باسقا دا باعالى سىيلىقتاردىڭ ۇتىس ويىنى 9 جانە 17 شىلدەدە ءوتتى. ول كەزدە اۆتوماتتى ۇتىس ويىنىنا ۆاكتسيناتسيا باستالعان ساتتەن باستاپ 16 شىلدەگە دەيىن ەكپە العاندار قاتىستى. جۇلدەلەردىڭ ۇتىس ويىنى دەمەۋشىلەر ەسەبىنەن وتكىزىلەدى.
ەلوردادا وتكىزىلەتىن ۇتىس ويىندارى ازاماتتاردى ەكپە الۋعا ىنتالاندىرۋ, وسىلايشا ءوز دەنساۋلىعىن, جاقىندارى مەن اينالاسىنداعى جانداردىڭ دەنساۋلىعىن ساقتاۋ ءۇشىن ۇيىمداستىرىلادى. سەبەبى, باستى ماقسات — ۇجىمدىق يممۋنيتەتتى دامىتۋ جانە كارانتينگە دەيىنگى رەجيمگە ورالۋ. ۇجىمدىق يممۋنيتەتتىڭ ۇلەسى 60%-دان اسۋى كەرەك.