توكيودا وتكەن حالىقارالىق وليمپيادا كوميتەتىنىڭ سەسسياسىندا ءبىراۋىزدان وليمپيادا ويىندارىنىڭ جاڭا ۇرانى بەكىتىلدى. بۇل تۋرالى وليمپيادا ويىنداردىڭ سايتىندا جازىلعان, دەپ حابارلايدى Egemen.kz.
ەندىگى ۋاقىتتا وليمپيادا ويىندارىندا «جىلدامىراق, بيىك, كۇشتىرەك – بىرگە», دەپ ۇراندالادى.
«ۇيىمشىلدىق – سپورت ارقىلى الەمدى جاقسارتا تۇسۋدەگى ءبىزدىڭ نەگىزگى ميسسيامىز. جىلدام بولۋ ءۇشىن, بيىك شىڭداردى باعىندىرۋ ءۇشىن جانە مىقتى بولۋ ءۇشىن – ءبىز بىرگە بولۋىمىز كەرەك», دەدى حالىقارالىق وليمپيادا كوميتەتىنىڭ پرەزيدەنتى توماس باح.
وليمپيادانىڭ قازىرگى «جىلدامىراق, بيىك, كۇشتىرەك» ۇرانى 1894 جىلى العاشقى وليمپيادا كونگرەسىنىڭ شەشىمىمەن بەكىتىلدى. 1896 جىلى افينادا العاش قازىرگى زامان وليمپيادا ويىندارى ءوتتى.
حوك باسشىسى توماس باح «ۇيىمشىلدىق» سوزىنە ەرەكشە توقتالىپ ءوتتى. ۇرانداعى «بىرگە» ءسوزى ول ۇيىمشىلدىقتى بىلدىرەدى.