ەركىن كۇرەستەن لوندون وليمپياداسىنىڭ قولا جۇلدەگەرى اقجۇرەك تاڭاتاروۆ توكيو وليمپياداسىندا سىنعا تۇسەتىن قازاقستاندىق اتلەتتەرگە ساتتىلىك تىلەدى. وليمپيادا جۇلدەگەرى ەركىن كۇرەس بالۋاندارىنىڭ جۇلدەمەن كەلەتىنىنە ءۇمىتتى ەكەنىن ايتتى, جازادى Egemen.kz ۇلتتىق وليمپيادا كوميتەتىنە سىلتەمە جاساپ.
«وليمپياداعا باراتىن ءاربىر اتلەتتىڭ تالاي جىل بويعى ەڭبەگى اقتالسا دەگەن تىلەگىم بار. ال ءبىزدىڭ بالۋاندارعا تەك ساتتىلىك سەرىك بولسىن! وليمپيادا – سپورتتاعى ەڭ باستى دودا, ەڭ بيىك شىڭ. سول دودادا بارلىق قابىلەتىڭدى ىسكە قوسىپ, سوڭعى رەت كۇرەسىپ جاتقانداي بار كۇشىڭدى سالىڭدار دەگىم كەلەدى.
ءار بەلدەسۋگە شىعاردا باۋىرجان مومىش ۇلى سىندى باتىرلاردىڭ ءسوزىن ەسكە الىپ, پاتريوتتىق سەزىمدەرىڭدى ارتتىرا تۇسىڭدەر! مەن ءبىزدىڭ جىگىتتەرگە سەنەمىن, توكيو تورىندە ەل نامىسىن ابىرويمەن قورعاڭدار», دەدى ا.تاڭاتاروۆ.