اقتوبە وبلىستىق قىلمىستىق ىستەر ارنايى سوتى گەروين ساتقان پوليتسەيدى 10 جىلعا سوتتادى. بۇل تۋرالى Ras.kz حابارلادى.
سوت ۇكىمى اقتوبە ستانساسى جەلىلىك ىشكى ىستەر باسقارماسى ەسىرتكىگە قارسى كۇرەس ءبولىمىنىڭ جەدەل وكىلىنە قاتىستى شىعارىلدى. ول گەرويندى اسا ءىرى كولەمدە زاڭسىز العانى جانە ساقتاعانى ءۇشىن ايىپتالعان.
وبلىستىق سوت ءباسپاسوز قىزمەتىنىڭ اقپارىنا جۇگىنسەك, سول كەزدە قىزمەتتە جۇرگەن پوليتسيا كاپيتانىنىڭ قول سومكەسىنەن اسا ءىرى كولەمدەگى گەروين تابىلعان ەكەن. مۇنان وزگە, كاپيتاننىڭ ەكى رەت گەروين ساتقانى تۋرالى فاكتى بەلگىلى بولدى.
سايت ءتىلشىسىنىڭ جازۋىنشا, اقتوبە وبلىستىق قىلمىستىق ىستەر ارنايى سوتى پوليتسەيدى قىلمىستىق كودەكستىڭ 259-بابى 3-بولىگى «گ» تارماعى بويىنشا ايىپتى دەپ تاۋىپ, وعان م ۇلىكتەرىن تاركىلەي وتىرىپ, قاتاڭ رەجيمدەگى تۇزەتۋ كولونياسىندا 10 جىل وتىرۋ جازاسىن كەسىپتى.
ۇكىم ءالى زاڭدى كۇشىنە ەنگەن جوق.
باقىتبەك كەنەش ۇلى.
دەرەككوز: Ras.kz
فوتو: Ras.kz.