وڭتۇستىك قازاقستان وبلىسىنداعى كوكپاردا كىسى ءولىمى بولدى. بۇل تۋرالى «24 kz» حابارلادى.
قاندى وقيعا تۇلكىباس اۋدانىندا ورىن العان. ۇلتتىق ويىن قىزعان شاقتا ەكى جىگىتتىڭ اراسىندا كيكىلجىڭ تۋىنداپ, ولاردىڭ ءبىرى ەكىنشىسىنە وق اتادى. اۋىر جاراقات العان شاباندوز اۋرۋحاناعا جەتپەي, جەدەل جاردەم كولىگىندە كوز جۇمدى. ءتارتىپ ساقشىلارى ءىزىن سۋىتقان كۇدىكتىنى ءبىر تاۋلىكتەن كەيىن قولعا ءتۇسىردى. ول جەرگىلىكتى جەردىڭ تۇرعىنى بولىپ شىقتى.
«ايعاقتى زات رەتىندە كۇدىكتىدەن «ماكاروۆ» تاپانشاسى مەن «سايگا» مىلتىعى تاركىلەندى. وعان قاتىستى قىلمىستىق كودەكستىڭ 96-بابى بويىنشا قىلمىستىق ءىس قوزعالىپ, تەرگەۋ امالدارى جۇرگىزىلۋدە», - دەيدى وبلىستىق ىشكى ىستەر دەپارتامەنتى مەملەكەتتىك ءتىل جانە اقپارات باسقارماسىنىڭ باسشىسى سالتانات قاراكوزوۆا.
باقىتبەك كەنەش ۇلى.
دەرەككوز: «24 kz»
فوتو: Newreporter. org.