قر اۋماعىندا كوروناۆيرۋستىق ينفەكتسيانىڭ پايدا بولۋى مەن تارالۋىنا جول بەرمەۋ جونىندەگى ۆەدومستۆوارالىق كوميسسيا وتىرىسىنىڭ حاتتاماسى نەگىزىندە ەلوردانىڭ باس مەملەكەتتىك سانيتارلىق دارىگەرى سارحات بەيسەنوۆا نۇر-سۇلتاندا كارانتيندىك جانە شەكتەۋ شارالارىن قاتاڭداتۋ تۋرالى جاڭا قاۋلىعا قول قويدى, دەپ حابارلايدى قالا اكىمدىگىنىڭ رەسمي سايتى.
ەلوردادا كوروناۆيرۋس اۋرۋىنىڭ كۇرت وسۋىنە بايلانىستى كارانتيندىك شارالار كۇشەيتىلدى. دەمالىس كۇندەرىنە لوكداۋن ەنگىزىلدى.
جاڭا قاۋلىعا سايكەس ەلوردانىڭ قوعامدىق كولىگى دەمالىس كۇندەرى, ياعني سەنبى جانە جەكسەنبى كۇندەرى جۇرمەيدى. اۆتوبۋستاردا بەتپەردە رەجيمى مىندەتتەلەدى, ال جولاقى قولما-قول اقشاسىز تولەنەدى.
بۇدان باسقا, قوعامدىق تاماقتانۋ نىساندارى – ءدامحانالاردىڭ, مەيرامحانالاردىڭ, كوفەحانالاردىڭ جۇمىس رەجيمى قىسقارتىلدى, ولار كەلۋشىلەردى دۇيسەنبى-جۇما كۇندەرى تاڭعى 7-دەن 17.00-گە دەيىن قابىلدايتىن بولادى. «Ashyq» جوباسىمەن جۇمىس ىستەيتىن مەكەمەلەرگە دۇيسەنبى-جۇما ارالىعىندا ساعات 20.00-گە دەيىن جۇمىس ىستەۋىنە رۇقسات ەتىلەدى. ال دەمالىس كۇندەرى جۇمىس ىستەۋىنە تىيىم سالىنادى.
دەمالىس كۇندەرى ساۋدا ويىن-ساۋىق ورتالىقتارىنىڭ, تەاترلاردىڭ, كومپيۋتەرلىك كلۋبتاردىڭ جانە ت.ب. جۇمىسىنا تىيىم سالىنادى.
ازىق-ت ۇلىك جانە ازىق-ت ۇلىك ەمەس بازارلاردىڭ جۇمىس ءتارتىبى ساعات 10.00-دەن 17.00-گە دەيىن بەلگىلەنگەن.
قۇجات 2021 جىلى 17 شىلدە كۇنى ساعات 00.00-دە كۇشىنە ەنەدى.
قاۋلىنىڭ تولىق ءماتىنىن مىنا جەردەن وقۋعا بولادى.
قاتاڭ كارانتيندىك شەكتەۋلەردىڭ ەنگىزىلۋىنە COVID-19 ىندەتىنىڭ بەلەڭ الۋى سەبەپ بولىپ وتىر. قازىر پاندەميانى توقتاتۋدىڭ جانە ءومىردىڭ بۇرىنعى قالپىنا ورالۋدىڭ جالعىز ءتيىمدى ءادىسى — ۆاكتسيناتسيا ارقىلى ۇجىمدىق يممۋنيتەتتى قالىپتاستىرۋ.
ەلوردادا 100-گە جۋىق ەگۋ پۋنكتى بمسك مەكەمەلەرىندە, ءىرى ساۋدا ۇيلەرى مەن سوو-لاردا ورنالاسقان. ولاردىڭ كەز-كەلگەنىندە ۆاكتسينا الۋعا بولادى. قالا تۇرعىندارى ازاماتتىق ۇستانىمىن كورسەتىپ, ۆاكتسينا الۋدا بەلسەندىلىك تانىتۋى كەرەك. سەبەبى ادام دەنساۋلىعى تىكەلەي وسىعان بايلانىستى.