ريم پاپاسى فرانتسيسك اگوستينو گەمەللي اۋرۋحاناسىنان ىشەك اۋرۋى بويىنشا جوسپارلانعان وپەراتسيادان كەيىن شىعارىلدى. بۇل تۋرالى ۆاتيكاننىڭ ءباسپاسوز قىزمەتىنىڭ ديرەكتورى ماتتەو برۋني مالىمدەدى, دەپ جازادى Egemen.kz.
ونىڭ ايتۋىنشا, ريم پاپاسى اۋرۋحانادان شىققاننان كەيىن ريمدەگى سانتا-ماريا ماگگيور سوبورىنا بارىپ, وپەراتسيانىڭ ءساتتى اياقتالعانىنا دۇعا ەتكەن, سودان كەيىن ۆاتيكانعا ورالعان.
ريم پاپاسى فرانتسيسك 4 شىلدەدە اۋرۋحاناعا جاتقىزىلعان بولاتىن. وعان ىشەكتىڭ ديۆەرتيكۋليارلىق اۋرۋىنىڭ سيمپتوماتيكالىق تۇرىنە بايلانىستى جوسپارلى وپەراتسيا جاسالدى.