اتىراۋ قالالىق اكىمدىگىنە قاراستى دامبى اۋىلىندا اكىم سايلاۋىنا 7 ۇمىتكەر ۇسىنىلىپ وتىر, دەپ حابارلايدى Egemen.kz.
وبلىستىق اۋماقتىق سايلاۋ كوميسسياسىنىڭ توراعاسى ازامات ايماناكۋموۆتىڭ ايتۋىنشا, اۋىل اكىمىنىڭ سايلاۋى اتىراۋ قالاسى مەن التى اۋداندا وتەدى. ال, ماقات اۋدانىندا 1 كەنت پەن 2 اۋىلدىق وكرۋگ اكىمدەرىنىڭ سايلاۋىن وتكىزۋ جوسپارلانباعان. سەبەبى, بۇل اۋدانداعى وكرۋگ اكىمدەرىنىڭ وكىلەتتىك مەرزىمى اياقتالماعان.
«وكرۋگ اكىمدەرىنىڭ سايلاۋىنا 73 ۇمىتكەر ۇسىنىلدى. ونىڭ ىشىندە 34 مۇعالىم (46,6%), 12 زاڭگەر (16,4%), 10 ەكونوميست (13,7%), 8 اۋىل شارۋاشىلىعى مامانى (11%), 1 ينجەنەر (1,3%) مەن 8 باسقا ماماندىق يەلەرى (11%) بار. سونداي-اق سايلاۋعا ۇمىتكەرلەردىڭ 19-ى ايەل ادامدار (26%)», دەيدى ازامات ايماناكۋموۆ.
ونىڭ مالىمەتىنە سۇيەنسەك, دامبى اۋىلدىق وكرۋگىندە ەڭ كوپ ۇمىتكەر ۇسىنىلعان. اتىراۋ قالاسىنا تاياۋ ورنالاسقان بۇل اۋىلعا اكىم بولعىسى كەلەتىن 7 ۇمىتكەر باق سىناۋعا بەكىنگەن. سونداي-اق قايىرشاقتى (اتىراۋ قالاسى) مەن جارسۋات (يندەر اۋدانى) اۋىلدىق وكرۋگىندە 6, قۇرمانعازى اۋدانىنداعى كۋدرياشوۆ اۋىلدىق وكرۋگىندە 5 ۇمىتكەر سايلاۋعا قاتىسۋعا نيەت بىلدىرگەن.