ەلوردادا تۇرعىن ءۇي كەشەندەرىنىڭ بىرىندە ليفت قۇلادى, ونىڭ ىشىندە ادامدار بولعان, دەپ حابارلايدى Egemen.kz.
9 شىلدە كۇنى «102» كانالىنا قابانباي باتىر داڭعىلىنداعى تۇرعىن ءۇي كەشەندەرىنىڭ بىرىندەگى ءليفتتىڭ قۇلاۋى جونىندە اقپارات تۇسكەن.
«وقيعانىڭ كۇندىزگى ۋاقىتتا بولعانى جانە ليفت ىشىندە 31 جاستاعى ەر ادام 16 جاسار جيەنىمەن بىرگە بولعانى انىقتالدى. ليفت وقىستان قۇلاعان جانە قاباتتار اراسىندا كۇرت تەجەلگەن», دەپ حابارلادى ۆەدومستۆونىڭ ءباسپاسوز قىزمەتى.
ءتارتىپ ساقشىلارىنىڭ ايتۋىنشا, وقيعا سالدارىنان ەشكىم زارداپ شەككەن جوق. تۇرعىندار اۋرۋحاناعا جاتقىزۋدان باس تارتتى.
اتالعان فاكتى بويىنشا تەكسەرۋ جۇرگىزىلەدى جانە ونىڭ ناتيجەسى بويىنشا پروتسەسسۋالدىق شەشىم قابىلدانباق.