سەنات توراعاسى ماۋلەن اشىمباەۆ بۇۇ باس اسسامبلەياسى 75-سەسسياسىنىڭ توراعاسى ۆولكان بوزكىردى قابىلدادى, دەپ حابارلايدى Egemen.kz.
كەزدەسۋ بارىسىندا قازاقستاننىڭ بۇۇ-مەن جانە ونىڭ قۇرىلىمدىق بولىمشەلەرىمەن ءوزارا ءىس-قيمىل ماسەلەلەرى ءسوز بولدى.
«بىرىككەن ۇلتتار ۇيىمىمەن ءوزارا تىعىز بايلانىس ورناتۋ - قازاقستاننىڭ سىرتقى ساياساتىنداعى باسىم باعىتتاردىڭ ءبىرى. بۇگىندە قازاقستاندا ۇيىم بولىمشەلەرىنىڭ 27 وكىلدىگى جۇمىس ىستەيدى», دەدى ماۋلەن اشىمباەۆ.
سونىمەن قاتار سەنات سپيكەرى مەملەكەت باسشىسى قاسىم-جومارت توقاەۆتىڭ باستاماسىمەن ەلىمىزدە ىسكە اسىرىلىپ جاتقان ماڭىزدى ساياسي جانە دەموكراتيالىق رەفورمالارعا توقتالىپ ءوتتى. كەزدەسۋدە بۇۇ-نىڭ تۇراقتى دامۋ ماقساتتارىن ىسكە اسىرۋ ماسەلەلەرى دە تالقىلاندى.
سەنات توراعاسىنىڭ ايتۋىنشا, بيىلعى جىلدىڭ باسىندا اتالعان ماقساتتاردىڭ ينديكاتورلارىن ۇلتتىق مۇددەگە سايكەستەندىرۋ اياقتالعان.