ەگىز پوليتسەيلەر

«مەنىڭ باقىتكۇلدەن بەس مينۋتتاي عانا ۇلكەندىگىم بار. اكەمىز جۇرگىزۋشى بولىپ ەڭبەك ەتتى. شەشەمىز مەكتەپ ديرەك­تورى بولدى. ءبىز – ولاردىڭ تۇڭ­عىش پەرزەنتىمىز. قازىر ەكەۋى دە زەينەتتە. قاتارىمىزدان كەم قىلماي ءوسىرىپ, وقىتتى. اتا-انا­مىزعا دەگەن العىسىمىز شەك­سىز. سوڭىمىزدان ەرگەن ءىنى­مىز بار». ءبىر قاراعاندا تۇ­يىقتاۋ كورىنەتىن, سالماقتى دا سابىرلى التىنگۇلدىڭ ءسوزىن مى­نەزى اشىق-جارقىن باقىتكۇل جالعاستىرىپ اكەتتى.

 «جاس كەزىمىزدە اۋىلداعى­لار ءبىزدى شاتاستىرىپ الىپ جاتاتىن, «التىنگۇل-باقىت­كۇل» دەپ قاتار ايتىپ, شاقىرا­تىن. قازىر دە كيگەن كيىمىمىز بىردەي بولعاندىقتان, جۇمىستا دا اجىراتا المايتىندار بار. كۇشتىك قۇرىلىم سالاسىنا كە­لۋىمىز – بولەك اڭگىمە», دەگەن ول قالاي ستۋدەنت اتانعاندارىن ك ۇلىپ ەسكە الدى.

قىزمەت بابىمەن ءالى كۇنگە دەيىن جۇپتارى جازىلماي كەلە جاتقان قوس بويجەتكەننىڭ تەر­گەۋشى بولساق دەگەن ارمانىنا ناعاشىلارى امانجول بەي­سەنوۆ قوزعاۋ سالىپتى. گەنەرال-مايور شەنىنە دەيىن كوتەرىل­گەن ەل ازاماتىنا ەلىكتەگەندەرى سون­شالىق, باسقا ماماندىقتى تاڭ­داۋ تۋرالى ويلانباپتى دا. مەكتەپ بىتىرگەننەن كەيىن قوس­تاناي زاڭ ينستيتۋتىنا قۇ­جات تاپسىرىپ, بارلىق ەميحاندى كىلەڭ «بەسكە» تاپسىرادى. ۇستازدارىنىڭ سەنىمىن اق­­­تاپ, ينستيتۋتتى قىزىل ديپلوممەن بىتىرگەن جاس ماماندار جول­دامانى پەتروپاۆل قالا­لىق ىشكى ىستەر بولىمىنە الادى. ەكەۋى دە ەڭبەك جولىن انىق­تاۋشىلىقتان باستاپ, ءبىر كابي­نەتكە ورنالاسادى. وسى سالادا 15 جىل تىنىمسىز قىزمەت اتقارىپ, ءتۇرلى ماراپاتتارعا يە بولعان.

ولار كوز مايىن تاۋىسىپ, قىل­مىستىق ىستەردى تەكسەرۋمەن اينالىسقان, كۇدىكتىلەر­دىڭ كىنالارى دالەلدەنگەن توم-توم ءىس ماتەريالدارى ارحيۆ سو­رە­­لەرىندە قاتتاۋلى تۇر. بەس جىل­­دان بەرى قالالىق يۋۆە­نال­دىق پوليتسيانىڭ جاس­وس­پى­رىم­دەر ينسپەكتورى قىزمەتىن­دە. «دارىن» ليتسەيى مەن №8 مەك­­تەپكە ينسپەكتور رەتىندە بە­كى­تىلگەن التىنگۇل مەن باقىت­كۇلدىڭ ءار كۇنى قاربالاسقا تو­لى. از قامتىلعان, تۇرمى­سى تو­مەن وتباسىلاردى ەسەپكە الۋ, ىش­كىلىككە سالىنىپ, بالا تار­­بيەسىنەن قول ۇزگەن اتا-انا­لار­دى, ۋاقىتىنىڭ كوپ بولى­گىن كوشەلەردە, ويىن-ساۋىق ور­تا­لىقتارىندا وتكىزۋگە اۋەس «كەزبە» وقۋشىلاردى جون­گە سالۋ, تارتىپكە شاقىرۋ, ءتۇر­­لى رەيدتەرگە قاتىسۋ, ءتۇ­سىن­­دىرۋ ءىس-شارالارىن جۇر­گى­زۋ, قورعانشىلىق جانە قامقورشىلىق كوميسسياسى­نىڭ قاراۋىنا ماسەلەلەر ۇسىنۋ سەكىلدى قات-قابات جۇمىستار جە­تىپ ارتىلادى.

ماسەلەن, جۋىردا باقىت­كۇلگە شەشەسى تۇرمەدە جازاسىن وتەپ جاتقان 16 جاستاعى وقۋشىنىڭ مەكتەپكە بارمايتىن بەي-بەرەكەت ءجۇرىسى جايلى سىنىپ جەتەكشىسىنەن شاعىم تۇسكەن. جاعدايعا قانىعا كە­لە, ونىڭ اكەسىنىڭ ىشكىلىككە سا­لىن­عانى, قىزىمەن قارىم-قا­تى­ناستىڭ ۋشىققانى سونشا – وعان كومەك بەرۋدەن باس تارت­قانى بەلگىلى بولدى. ەس­كەرتۋ, ايىپپۇل شارالارىنان ەشتەڭە ونبەگەننەن كەيىن اكەلىك قۇقىعىنان ايىرۋعا قا­تىستى ماتەريالدار قالالىق اكىم­دىك جانىنداعى كامەلەتكە تول­ماعاندار ءىسى جونىندەگى كو­ميسسياعا جىبەرىلىپ, ۇسىنىس قو­ل­داۋ تاپقان.

العا قويعان ماقساتتارىنا بەرىك, قيىندىققا قايىسىپ, ەڭسەسى تۇسپەيتىن, وزگەرىستەرگە ۇمتىلۋدان ءبىر تىنبايتىن ەگىز­دەر ناعاشىلى-جيەن اعايىن­دارعا تۇرمىسقا شىعىپ, شات­تىققا تولى شاڭىراق قۇرعان. التىنگۇل ەرلانعا تۇرمىسقا شىعىپ, ۇيلەنۋ تويلارى 2001 جىلعى 21 قاڭتاردا ءوتتى. ەكى جاستىڭ وتاۋ قۇرۋ قۋانىشىنا جيەنى سانات تا ورتاقتاسىپ, سون­دا باقىتكۇلدى ءبىر كورگەننەن ۇناتىپ قالادى. ءسويتىپ ەكەۋى كوپ كەشىكپەي, 4 اقپاندا وتاۋ قۇرادى.

قوس وتباسىنى پوليتسەيلەر اۋلەتى دەۋگە بولادى. ەرلان – وب­لىستىق قىلمىستىق اتقارۋ جۇيەسى دەپارتامەنتى قىزىل­جار اۋداندىق پروباتسيا قىزمەتى­نىڭ ءبولىم باستىعى, پوليتسيا پود­پولكوۆنيگى. سانات كوپ جىل ۋچاسكەلىك ينسپەكتور بولىپ ەڭ­بەك ەتتى. بۇگىندە زەينەتكەر. پو­ليتسيا مايورى. ال ەگىز پولي­تسەي ارۋدىڭ ىنىلەرى رۋس­لان – «كۇزەت» قىزمەتى اققايىڭ اۋدان­دىق بولىمشەسىنىڭ مامانى.

«اعايىندى جىگىتتەرگە تۇر­مىسقا شىققانىمىزعا وكىن­بەيمىز. ءبىر-ءبىرىمىزدى ءتۇسىنىسىپ, باعالاعاندىقتان, تاتۋ-ءتاتتى وت­باسىمىز. ۇل-قىز ءوسىرىپ وتىر­مىز», دەگەن اياۋلى انالار وز­دەرىنە سەنىپ تاپسىرىلعان ۋچاس­كەدە مارتەبەلى قىزمەت جا­ۋاپ­­كەرشىلىگىن ەرەكشە سەزىنىپ, ءبى­لىمدى دە بىلىكتى ءتارتىپ ساق­شى­لارى قاتارىنان كورىنىپ كەلەدى.

ءومىر ەسقالي,

جۋرناليست

سولتۇستىك قازاقستان وبلىسى