قازاقستاندىق تەننيسشى يتالياداعى تۋرنيردە تاماشا ناتيجە كورسەتتى

دۇنيەجۇزىلىك رەيتينگىدە 325-ورىندا تۇرعان قازاقستاندىق سپورتشى تيموفەي سكاتوۆ ويىننىڭ ەكىنشى اينالىمىندا وسى دودانىڭ 8-ءشى راكەتكاسى, ارگەنتينالىق رەنتسو وليۆومەن كۇش سىناسىپ, جەڭىسكە جەتتى.

ەكى ساعاتتان استام ۋاقىتقا سوزىلعان تارتىستى باسەكەدە تيموفەي ەيس جاساماسا دا, 8 برەيك-پوينتتىڭ بەسەۋىن پايدالاندى. قارسىلاسى 2 ەيس, 3 برەيك (6 برەيك-پوينت) جاساي الدى. ناتيجەسىندە, جيىرما جاستاعى تيموفەي سكاتوۆ 7:5, 7:5 ەسەبىمەن العا وزىپ شىقتى.

قازاقستاندىق سپورتشى جارتىلاي فينالعا شىعۋ ءۇشىن الەمنىڭ 301-راكەتكاسى, حورۆاتيالىق نينو سەردارۋشيچپەن تالاساتىن بولادى.

ايتا كەتسەك, جاس تەننيسشى ەلوردادا حالىقارالىق ءتۋرنيردىڭ شيرەك فينالىنا شىقتى.