قوستاناي وبلىسى دەنيسوۆ اۋدانىنا قاراستى ايات ورتا مەكتەبىنىڭ بۇرىنعى وقۋشىسى قارۋ ۇستاپ فوتوعا ءتۇسۋ ءۇشىن وقۋ ورداسىنا ۇرلىققا تۇسكەن, دەپ جازادى Egemen.kz ناشا گازەتا-عا سىلتەمە جاساپ.
ول وتكەن جىلى وسى وقۋ ورنىن اياقتاعان. سول كەزدەن بەرى ممگ-اك74م كالاشنيكوۆ اۆتوماتىنىڭ ۇلگىسى قاي جەردە ساقتالعانىن جاقسى بىلگەن.
«ارمانىن ورىنداۋ ءۇشىن ەر ادام كەڭسەنىڭ قۇلپىن بۇزىپ, كالاشنيكوۆتى الىپ كەتكەن. بىراق ونىڭ سەلفي جاساۋ جايلى ويى ىسكە اسقان جوق», دەپ مالىمدەدى قوستاناي وبلىسى پوليتسيا دەپارتامەنتىنىڭ ءباسپاسوز قىزمەتى.
مۇعالىمدەر تەز ارادا پوليتسياعا حابار بەرىپ ۇلگەرگەن. دەنيسوۆ پوليتسيا ءبولىمىنىڭ پوليتسيا قىزمەتكەرلەرى ۇرىنى ۇستاپ, مەكتەپكە قارۋدىڭ مۋلياجىن قايتارىپ بەردى.
ۇرلىقشى قازاقستان رەسپۋبليكاسىنىڭ № 291 قىلمىستىق كودەكسiنە سايكەس اتىس قارۋىن, ولارعا ارنالعان كومپونەنتتەردى, وق-دارىلەردى, جارىلعىش زاتتاردى نەمەسە جارىلعىش قۇرىلعىلاردى ۇرلاۋ نەمەسە قورقىتىپ الۋ بابىنا سايكەس جازالانۋى مۇمكىن.