بالىق اۋلاۋعا شىققان 46 جاستاعى قىزىلوردالىق ازامات سىرداريا وزەنىنە باتىپ كەتتى, دەپ جازادى Egemen.kz.
وبلىستىق توتەنشە جاعدايلار دەپارتامەنتىنىڭ حابارلاۋىنشا, وقيعا 7 شىلدەدە ساعات 23:00 شاماسىندا بولعان. 1975 جىلعى ازامات وبلىس ورتالىعىنداعى «ريسماش» اۋماعىندا سىردارياعا بالىق اۋلاۋعا شىعىپ, ورالماعان.
«وبلىستىق توتەنشە جاعدايلار دەپارتامەنتىنە قاراستى جەدەل قۇتقارۋ جاساعىنان 4 قۇتقارۋشىسى 1 تەحنيكامەن جانە سۋعا ءجۇزۋ قايىعىمەن وقيعا ورنىنا باردى. ىزدەۋ شارالارى ناتيجەسىندە ازاماتتىڭ ءمايىتى بۇگىن, 8 شىلدەدە ساعات 6:05-تە سۋدان شىعارىلدى», دەپ ءمالىم ەتتى وبلىستىق توتەنشە جاعدايلار دەپارتامەنتى ءورت ءسوندىرۋ جانە اۆاريالىق قۇتقارۋ جۇمىستارى قىزمەتىنىڭ مامانى ءاليا ەرەجەپوۆا.