نۇر-سۇلتان قالاسى اكىمدىگىنىڭ قولداۋىمەن 5-7 شىلدە ارالىعىندا ەلوردا كۇنى مەن قر تاۋەلسىزدىگىنىڭ 30 جىلدىعىنا وراي ەسىل وزەنى بويىندا «ەسىل تولقىنى» كونتسەرتى ءوتىپ جاتىر, دەپ حابارلايدى Egemen.kz.
ءىس-شارانىڭ ماقساتى – باس قالانىڭ تۇرعىندارى مەن قوناقتارىن استانا كۇنىمەن قۇتتىقتاۋ,مەرەكەلىك كوڭىل-كۇيلەرىن كوتەرۋ. سونداي-اق قالا تۇرعىندارىنىڭ قاتاڭ پاندەميا جاعدايىندا ءبىر ورىنعا جينالماۋىن قامتاماسىز ەتۋ ءۇشىن كونتسەرت ەسىل وزەنى بويىندا كەمەدە وتەدى. ارتىستەر, ونەر ۇجىمدارى «استانا» تەپلوحودىندا ونەر كورسەتەدى. كونتسەرت باعدارلاماسى 3 ساعاتقا ارنالعان.
«ەسىل تولقىنى» ەلوردالىقتار مەن قالا قوناقتارىنىڭ كوڭىلىنەن شىققان مەرەكەلىك ءىس-شارا بولدى. كورەرمەن ەسىل وزەنىنىڭ وڭ جانە سول جاعالاۋىنان قازاقستاندىق ونەرپازداردىڭ ونەرىن تاماشالادى.
كونتسەرتتىك باعدارلامادا قازاق حالقىنىڭ مۋزىكالىق مۇراسى مەن ەسترادا جانرىندا اندەر شىرقالادى. وعان سۆەتا - قانات ايتباەۆتار, مايرا يلياسوۆا, اسەم وماروۆا, ارايلىم راحىم, پاراسات وتان, التىناي جوراباەۆا, اسەم وماروۆا, دوس, ديانا ماەۆا, مارجان اراپباەۆا ت.ب. ونەرپازدار قاتىسادى.
ايتا كەتەيىك, ءىس-شاراعا قاتىسۋشىلاردىڭ بارلىعى كوروناۆيرۋسكە قارسى ۆاكتسينا العان, دەنساۋلىعىنا بايلانىستى ۆاكتسينا الماعاندار پتر-تەستتەن وتكەن.