پارلامەنت سەناتىنىڭ توراعاسى ماۋلەن اشىمباەۆ فەيسبۋك الەۋمەتتىك جەلىسىندە ەلوردا كۇنىمەن قۇتتىقتادى, دەپ حابارلايدى Egemen.kz.
قۇرمەتتى دوستار!
بارشاڭىزدى ەلوردا كۇنىمەن شىن جۇرەكتەن قۇتتىقتايمىن!
بۇل – اسقاق ابىروي مەن ەڭسەلى ەلدىكتىڭ مەرەكەسى. شىن مانىندە, نۇر-سۇلتان قالاسى – ەگەمەن ەلىمىزدىڭ 30 جىلدا قول جەتكىزگەن ەڭ باستى جەتىستىگى مەن جەڭىستەرىنىڭ بىرەگەيى. بۇگىندە ەلوردامىز – الاشتىڭ ايبارى مەن ايبىنى, قازاقتىڭ بارى مەن باعى.
ەلباسىمىز اسەم استانامىزدى سالۋ ارقىلى اتا-بابامىزدىڭ اسىل ارمانىن اقيقاتقا اينالدىردى. باس قالامىز قىسقا مەرزىم ىشىندە دۇنيە جۇزىنە تاۋەلسىز قازاقستاننىڭ ءىرى ساياسي, ەكونوميكالىق, ىسكەرلىك, عىلىمي جانە مادەني ورتالىعى رەتىندە تانىلىپ ۇلگەردى. استانامىزدىڭ الەمدىك دەڭگەيدەگى ماسەلەلەردى تالقىلايتىن الاڭ رەتىندە دە ورنى بولەك.
راسىمەن, ەلوردامىز ارقىلى ەلىمىزدىڭ ابىروي-بەدەلى ارتىپ, ەلدىگىمىزدىڭ ىرگەسى بەكي ءتۇستى. تاۋەلسىز قازاقستاننىڭ الداعى ماقسات-مىندەتتەرى دە باس قالامىزبەن تىكەلەي بايلانىستى. سوندىقتان استانامىزدىڭ ءوسىپ-وركەندەۋى تۇتاس ەلىمىزدىڭ دامۋىنا سەرپىن بەرەتىن باسىمدىق دەۋگە تولىق نەگىز بار.
نۇر-سۇلتان شاھارى تالاي جاننىڭ ارمانىنا قانات ءبىتىرىپ, ومىردەن ءوز ورنىن تابۋىنا دا داڭعىل جول اشىپ بەردى.
قازىرگى تاڭدا ەلباسى مەن ەلوردا ەگىز ۇعىمعا اينالدى. سول سەبەپتى, تۇڭعىش پرەزيدەنتىمىزدىڭ تۋعان كۇنى مەن قالا كۇنىن قاتار اتاپ ءوتۋدىڭ سيمۆوليكالىق ءمانى زور.
الداعى ۋاقىتتا ەلباسىمىزدىڭ ەگەمەن ەلدىڭ نەگىزىن قالاۋ جولىنداعى ەرەن ەڭبەگىن قادىرلەۋ جانە مەملەكەتتىلىكتى ودان ءارى نىعايتۋعا ارنالعان ستراتەگيالىق باعدارىن لايىقتى جالعاستىرۋ – بارشامىزدىڭ ابىرويلى مىندەتىمىز. وسى جولدا بارلىق قازاقستاندىق جۇدىرىقتاي جۇمىلسا, ءالى تالاي بەلەستەردى باعىندىراتىنىمىز انىق.
بارشاڭىزدى بۇگىنگى مەرەكەمەن قۇتتىقتاي وتىرىپ, ءار شاڭىراققا شاتتىق پەن باق-بەرەكە تىلەيمىن! قازاقتىڭ رۋحىن اسپانداتقان استانامىز جاساي بەرسىن! ەلباسىمىز امان, ەلىمىز ماڭگىلىك بولسىن!