قازاقستان رەسپۋبليكاسى تاۋەلسىزدىگىنىڭ 30 جىلدىعى جانە ەلىمىزدىڭ استاناسى نۇر-سۇلتان قالاسىنىڭ تۋعان كۇنىنە وراي, قازاقستان رەسپۋبليكاسى مادەنيەت جانە سپورت مينيسترلىگى قولجازبالار جانە سيرەك كىتاپتار ۇلتتىق ورتالىعى مەن قالالىق ارحيۆ مەكەمەسى بىرلەسىپ «تاريح تاڭداعان ەلوردا» اتتى كورمە ۇيىمداستىردى.
اتالمىش كورمە XIX عاسىردان باستاپ قازىرگى كۇنگە دەيىنگى ەلوردانىڭ تاريحىن باياندايتىن ارحيۆتىك قۇجاتتار مەن سيرەك كىتاپتاردان قۇرالعان ەكەن. اتاپ ايتاتىن بولساق, ۇلتتىق ورتالىقتىڭ قورىندا ساقتاۋلى «يزۆەستيا» گازەتىنىڭ 1918-1921 جىلدار ارالىعىندا جارىق كورگەن ءار سانىندا ءبىرىنشى دۇنيەجۇزىلىك سوعىس كەزەڭىندەگى قازاق ەلىنىڭ جاعدايى جانە 1921-1922 جىلدارى ارالىعىندا ەلىمىزدىڭ كەيبىر وبلىستارىن قامتىعان اشارشىلىقتى بايان ەتەتىن تاقىرىپتار بار.
سونداي-اق كورەرمەن كورمە سورەسىنەن نۇر-سۇلتان قالاسى مەملەكەتتىك ءارحيۆىنىڭ قورىندا ساقتاۋلى قۇجاتتاردى تاماشالاي الادى. بۇلاردىڭ اراسىنان اقمولانىڭ العاش اسكەري بەكىنىس رەتىندە سالىنۋىن, قالىپتاسۋىن كەزەڭ-كەزەڭىمەن سيپاتتايتىن فوتو-ارحيۆتىك قۇجاتتار كوپشىلىك نازارىن اۋداردى. «كورمە شىلدە ايىنىڭ سوڭىنا دەيىن جالعاسادى», دەيدى ۇيىمداستىرۋشىلار.