بيىل ايماقتا 40 اۋىلدىق وكرۋگتىڭ اكىمىن اۋىل تۇرعىندارى سايلايدى. سايلاۋ ۇستىمىزدەگى جىلدىڭ 25 شىلدەسىندە كارانتين تالاپتارىن ساقتاي وتىرىپ وتكىزىلەدى. بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگتە وبلىستىق سايلاۋ كوميسسياسىنىڭ توراعاسى عالىم بايمىرزاەۆ مالىمدەدى, دەپ جازادى Egemen.kz.
«قازىر ءوزىن-ءوزى ۇسىنعان 41 كانديداتتىڭ 19-ى مەملەكەتتىك قىزمەت زاڭناماسىنىڭ بىلىكتىلىك تالاپتارىنا ساي دەپ تانىلدى. كانديداتتاردىڭ ەكەۋى - ايەل, قالعانى - ەر ادام. ەڭ جاس كانديدات 28 جاستا. ساياسي پارتيالاردان كانديداتتار ازىرگە ۇسىنىلعان جوق», دەدى عالىم قوناقباي ۇلى.
سايلاۋ قورىتىندىسى ءۇش كۇن ىشىندە قورىتىندىسى شىعارىلادى. جەتى كۇن ىشىندە اۋماقتىق كوميسسيا سايلانعان اكىمدى تىركەپ, كەيىن ول ءوز وكىلەتتىگىن باستايدى. وكىلەتتىك مەرزىمى - 4 جىل.
ايتا كەتەيىك, اۋماقتىق كوميسسيانىڭ كۇنتىزبەلىك جوسپارى بويىنشا كانديداتتاردى ۇسىنۋ 9 شىلدەدە ساعات 18:00-دە, ال تىركەۋ 14 شىلدەدە ساعات 18:00-دە اياقتالادى.