پاۆلوداردا ەسەپشى «ەڭبەك» باعدارلاماسىنا بولىنگەن قاراجاتتى جىمقىرعان, دەپ حابارلايدى Egemen.kz.
پاۆلودار وبلىسى بويىنشا ەكونوميكالىق تەرگەپ-تەكسەرۋ دەپارتامەنتى اققۋلى اۋدانىنىڭ حالىقتى جۇمىسپەن قامتۋ ورتالىعىنىڭ بۋحگالتەرىنە قاتىستى قىلمىستىق ءىستى سوتقا جولدادى.
تەرگەۋ بارىسىندا ورتالىق ەسەپشىسى قىزمەتىن پايدالانىپ جانە ادامدار توبىمەن الدىن الا ءسوز بايلاسىپ, ورتالىقتىڭ ەسەپ ايىرىسۋ شوتىنان بيۋدجەت قاراجاتىن زاڭسىز العانى انىقتالدى.
الاياقتىق سحەما نەگىزسىز تولەم شوتتارىنا ەلەكتروندىق كىلتپەن قول قويۋ جانە جەكە تۇلعالاردىڭ كارت-شوتتارىنا اقشا اۋدارۋ ارقىلى جۇزەگە اسقان.
قاراجات ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» مەملەكەتتىك باعدارلاماسىنىڭ قاتىسۋشىلارى ءۇشىن ءۇي جالداۋعا جانە كوممۋنالدىق قىزمەتتەردى تولەۋگە ارنالعان.
بۋحگالتەر ماتەريالدىق جاۋاپكەرشىلىككە جانە بۋحگالتەرلىك ەسەپتى جۇرگىزۋگە بايلانىستى لاۋازىمداردى اتقارۋ قۇقىعىنان 5 جىل مەرزىمگە ايىرا وتىرىپ, 4,5 جىلعا باس بوستاندىعىن شەكتەۋ جازاسىنا تارتىلدى.