قازپوشتا اۋىل تۇرعىندارىنا جاڭا سەرۆيس ۇسىنادى

مەموراندۋم اياسىندا قولعا الىناتىن بارلىق جوبالار ءبىرىنشى كەزەكتە اۋىلدار مەن اۋدان ورتالىقتارىندا تۇراتىن قازاقستاندىقتاردىڭ قاجەتتىلىكتەرىن وتەۋگە باعىتتالعان.

ەلدى مەكەن تۇرعىندارى قازپوشتانىڭ جەرگىلىكتى بولىمشەلەرى ارقىلى سمارتفوندارعا تاپسىرىس بەرۋ مۇمكىندىگىنە يە بولادى. ولارعا قاجەتتى گادجەتتەردى قولما-قول اقشاعا جانە ءبولىپ تولەۋ ارقىلى ساتىپ الۋدىڭ ءتيىمدى شارتتارى ۇسىنىلادى. 

سونىمەن بىرگە تۇرعىندار Post.kz سايتى نەمەسە ءموبيلدى قوسىمشاسى ارقىلى Kcell ينتەرنەت-دۇكەنىنەن تاۋارلارعا تاپسىرىس بەرۋ مۇمكىندىگىن يەلەنەدى. ونى قازپوشتا ەلىمىزدەگى كەز كەلگەن وڭىرگە جانە شالعاي اۋىلدارعا جەتكىزەدى. ۇلتتىق پوشتا وپەراتورى اگەنتتىك جانە پوشتالىق قىزمەت ارقىلى اۋىل تۇرعىندارىنا تسيفرلىق ونىمدەرگە تەڭ قولجەتىمدىلىكتى قامتاماسىز ەتەدى.

«قازپوشتا تسيفرلىق ترانسفورماتسيا اياسىندا قىزمەتتەردى جەتىلدىرۋگە جانە ەلەكتروندىق ساۋدانىڭ الەۋەتىن دامىتۋعا باسىمدىق بەرىپ وتىر. وعان ءبىزدىڭ جانە ارىپتەسىمىزدىڭ رەسۋرستار سينەرگياسى دە سەپتىگىن تيگىزەدى. ماركەتپلەيستەر, Fullfilment-ورتالىقتار جانە پوشتا-لوگيستيكالىق قىزمەتتەر نەگىزىندە بىرلەسە ارەكەت ەتۋ ارقاسىندا تولىق كەشەندى سەرۆيستىڭ ەكوجۇيەسى قالىپتاسادى. بۇل رەتتە ءبىرىنشى كەزەكتە اۋىل مەن اۋدان تۇرعىندارىنا قولايلى جاعداي جاساۋعا نازار اۋدارىلعان. بۇگىندە ءبىزدىڭ سايتىمىزدا جانە ءموبيلدى قوسىمشامىزدا «ماركەتپلەيستەر ۆيتريناسىن» قالىپتاستىرۋ باعىتىندا بەلسەندى جۇمىستار جۇرگىزىلۋدە. ونىڭ ارقاسىندا شالعاي اۋىلدىڭ تۇرعىندارى وزدەرىنە قاجەتتى تاۋارلاردى تاڭداپ, ولاردىڭ جەتكىزىلۋىنە تاپسىرىس بەرە الادى», دەپ اتاپ وتتى «قازپوشتا» اق باسقارما توراعاسى قانات الپىسباەۆ.

ء«بىز ەلىمىزدىڭ بارلىق تۇرعىندارى ءۇشىن بۇدان دا قولجەتىمدى جانە ىڭعايلى بولۋعا ۇمتىلامىز. پاندەميانىڭ اۋىر كەزەڭىندە ءبىز ونلاين ساتۋعا ەرەكشە كوڭىل بولدىك جانە قاتەلەسپەدىك, ويتكەنى بۇل ءبىزدىڭ ابونەنتتەر ءۇشىن وتە قاجەتتى ءارى ىڭعايلى قىزمەت بولىپ شىقتى. ەگەر بۇرىن ونلاين ساتىپ الۋدى نەگىزىنەن ءىرى قالالاردىڭ تۇرعىندارى جاساسا, قازىر بىزدە اۋىلدىق جەرلەردەن ساتىپ الۋشىلار كوبەيىپ كەلەدى. «Kcell» قاتىساتىن «250 +» جوباسىنىڭ ارقاسىندا ءموبيلدى كەڭ جولاقتى ينتەرنەت 250 ادامنان تۇراتىن قازاقستان اۋىلدارىنا كەلەدى, ەندى اۋىل تۇرعىندارى ونلاين قىزمەتتەردى قالا تۇرعىندارىمەن بىردەي پايدالانا الادى. ال ءبىزدىڭ «قازپوشتامەن» ىنتىماقتاستىعىمىزدىڭ ارقاسىندا تاۋارلاردى ەلىمىزدىڭ ەڭ شالعاي ەلدى مەكەندەرىنە جەتكىزۋ بارىنشا قولجەتىمدى, تەزىرەك جانە سەنىمدى بولادى. ءبىز ءۇشىن ابونەنتتەرىمىزدىڭ وزدەرىن جايلى سەزىنۋى وتە ماڭىزدى جانە ءبىز سەرۆيستەرىمىزدىڭ دەڭگەيىن كوتەرۋ بويىنشا ۇنەمى جۇمىس ىستەۋدەمىز», دەدى Kcell CEO يۋري حارلاموۆ.

ۇلتتىق پوشتا وپەراتورى جانە ينتەرنەت-پروۆايدەر بيىلعى جىلدىڭ سوڭىڭا دەيىن جاڭا قىزمەتتى ىسكە قوسادى. ونىڭ ارقاسىندا ۇيالى تەلەفونداعى قارجىنى Post.kz ارقىلى قازپوشتانىڭ كەز كەلگەن تولەم كارتاسىنا اۋدارۋ مۇمكىندىگى ۇسىنىلادى.