نۇر-سۇلتان قالاسى جاستار ساياساتى ماسەلەلەرى باسقارماسى 14-29 جاس ارالىعىنداعى بەلسەندى جاستار اراسىندا ۆولونتەرلىق باستامالاردى قولداۋعا ارنالعان شاعىن گرانتتار بايقاۋىن وتكىزۋدە, دەپ حابارلايدى ەلوردا اكىمدىگىنىڭ رەسمي سايتى.
وتىنىمدەردى قابىلداۋ وسى جىلدىڭ 2 شىلدەسىنە دەيىن جۇرگىزىلەدى.
بايقاۋ اياسىندا ۆولونتەرلىق باستامالارىن جۇزەگە اسىرعىسى كەلەتىن 20 جاس انىقتالادى. ولارعا 300 مىڭ تەڭگە كولەمىندە شاعىن گرانت بەرىلەدى.
ءىس-شارانىڭ نەگىزگى ماقساتى – نۇر-سۇلتان قالاسىنىڭ 14-29 جاس ارالىعىنداعى ۆولونتەرلىق باستامالاردى قولعا الىپ جۇرگەن بەلسەندى جاستاردى انىقتاۋ.
جوبالار قالانىڭ ەكولوگيالىق, ەكونوميكالىق الەۋمەتتىك ماسەلەسىن شەشۋگە ارنالعان, سونداي-اق يننوۆاتسيا, عىلىم, سپورت ت.ب. باعىتتار بويىنشا قابىلداناتىن بولادى.