فۋتبولدان ەۋروپا چەمپيوناتىنىڭ جەتىنشى جارىس كۇنىندە جوسپارلى ءۇش ماتچ وتەدى. ۋكراينا سولتۇستىك ماكەدونيامەن كەزدەسسە, دانيا مەن بەلگيا, نيدەرلاندى مەن اۆستريا كۇش سىناسادى, دەپ حابارلايدى Egemen.kz.
ەكىنشى تۋر اياسىندا س توبىندا ونەر كورسەتەتىن ۋكراينا مەن سولتۇستىك ماكەدونيا كەزدەسەدى. ماتچ نۇر-سۇلتان ۋاقىتى بويىنشا 19:00-دە Qazsport تەلەارناسىنان تىكەلەي ەفيردە كورسەتىلەدى. ۆ توبىنىڭ وكىلدەرى دانيا مەن بەلگيا كەزدەسۋى 22:00-دە ءۇش ۇپايعا تالاسادى. كەزدەسۋ Qazaqstan تەلەارناسىنان كورسەتىلەدى دەپ جوسپارلانعان. سونداي-اق س توبىنىڭ وزگە ەكى جۇبى نيدەرلاندى مەن اۆستريا ويىنىن تۇنگى 01:00-دە Qazsport تەلەارناسىنان تاماشالاۋعا مۇمكىندىك بار.
التى كوماندانىڭ ۇشەۋىندە ءۇش ۇپايدان بار بولسا, قالعان ۇشەۋى تۋرنيردەگى العاشقى جەڭىستەرىنە قول جەتكىزۋگە نيەتتى. ءبىرىنشى تۋردا ۋكراينا نيدەرلاندى قۇراماسىنان 2:3 ەسەبىمەن ۇتىلسا, سولتۇستىك ماكەدونيا اۆستريادان 1:3 ەسەبىمەن جەڭىلگەن بولاتىن. دانيا فينليانديادان ايلاسىن اسىرا المادى (0:1). ءوز كەزەگىندە بەلگيا تۋرنيردەگى انىق فاۆوريت ەكەنىن ايگىلەپ, رەسەيدى 3:0 ەسەبىمەن جەڭدى.
ەسكە سالايىق قۇرامالار اراسىنان يتاليا العاش بولىپ پلەي-وفف كەزەڭىنە جولداما الدى.