ۆاكتسينا سالدىرۋعا قاجەتتى 106 ەكپە بولمەسىنىڭ 91-ءى اۋىلدىق جەردە ورنالاسقان. مۇنان بولەك, شالعاي اۋىلدارداعى تۇرعىندارعا ەكپە سالۋ ءۇشىن 39 ءموبيلدى توپ جۇمىس جۇرگىزۋدە, دەپ حابارلايدى Egemen.kz.
ال 1 اقپاننان بەرى وبلىسقا QazVac-in, HayatVax, سپۋتنيك-V ۆاكتسيناسىنىڭ 129050 ءى كومپونەنتى كەلىپ, 74 پايىزى سالىنعان. ال, ءىى كومپونەنتتەن 87300 دوزا جەتكىزىلىپ, 46,8%-ى ەگىلگەن.
بۇل تۋرالى بۇگىن قر پرەزيدەنتى جانىنداعى ورتالىق كوممۋنيكاتسيالار قىزمەتىنىڭ ءباسپاسوز كونفەرەنتسياسىندا قىزىلوردا وبلىسىنىڭ اكىمى گۇلشارا ابدىقالىقوۆا ايماقتىڭ الەۋمەتتىك-ەكونوميكالىق دامۋى تۋرالى ەسەبىندە ايتىپ ءوتتى.
ايماق باسشىسى كوروناۆيرۋسپەن كۇرەس باعىتىندا اتقارىلعان ناقتى جۇمىستاردى سارالادى. كەشەندى شارالاردى ۋاقىتىلى ۇيىمداستىرۋ ناتيجەسىندە وڭىردە ءدارى-دارمەكتىڭ 2 ايلىق قورى جاساقتالىپ, جەرگىلىكتى بيۋدجەتتەن 488 ملن تەڭگە بولىنگەن. نەعۇرلىم سۇرانىسقا يە دارىلىك زاتتار مەن مەديتسينالىق بۇيىمداردىڭ باعاسىن باقىلاۋعا مونيتورينگ تۇراقتى جۇرگىزىلگەن.