نۇر-سۇلتان قالاسى ادىلەت دەپارتامەنتىنىڭ م ۇلىكتىك ەمەس سيپاتتاعى تالاپتاردى ورىنداۋ بولىمىندە جىل باسىنان بەرى ماقساتتى پايدالانىلماعان جەر ۋچاسكەلەرىن الۋ بويىنشا 18 اتقارۋشىلىق ءىس جۇرگىزىلدى, دەپ حابارلايدى قالا اكىمدىگىنىڭ رەسمي سايتى.
وسىعان بايلانىستى سوت شەشىمى بويىنشا ماجبۇرلەپ الىنعان, سول سياقتى ماقساتتى پايدالانىلماعان 7 جەر ۋچاسكەسى ءبولىمنىڭ سوت ورىنداۋشىسىمەن ساۋدا-ساتتىققا شىعارىلىپ, جالپى سوماسى 1 500 000 000 تەڭگەدەن استام سوماعا ساتىلدى.
قازىرگى ۋاقىتتا 10 اتقارۋشىلىق ءىس جۇرگىزۋ اياقتالدى (7-ەۋى تولىق كولەمدە ورىندالدى, 3-ەۋى سوت شەشىمىنىڭ كۇشىن جويۋعا بايلانىستى توقتاتىلدى), الىنعان جەر ۋچاسكەسىنىڭ بىرەۋى ساۋدا-ساتتىققا شىعارىلدى, 7 اتقارۋشىلىق ءىس جۇرگىزىلۋدە.