كوروناۆيرۋس دەيتۇعىن كەسەلدەن ساقتانۋدىڭ بىردەن ءبىر جولى – ۆاكتسينا. دارىگەرلەر سولاي دەسەدى. الەمدى جايلاعان الاپات اۋرۋدىڭ الدىن الۋ ءۇشىن شىعىس قازاقستاندا 141 مىڭنان استام تۇرعىن كوروناۆيرۋسقا قارسى ۆاكتسينانىڭ ءبىرىنشى كومپونەنتىن الدى.
وزدەرىن Covid-19 ينفەكتسياسىنان قورعاۋ ءۇشىن دارىگەرلەر, مۇعالىمدەر, قۇقىق قورعاۋ سالاسىنىڭ قىزمەتكەرلەرى الدىن الا كەزەككە تۇرىپ ەكپە الىپ جاتىر. ءاۋ باستاعىداي ەكپەگە ۇركە قارامايدى. قاۋىپتىڭ الدىن الۋ ءۇشىن ىستەلىپ جاتقان شارا ەكەنىن تۇسىنگەندەي تۇرعىندار. اۋىل تۇرعىندارى دا دەندەگەن دەرتتەن قۇتىلۋدىڭ ءبىر جولى ەكپە دەسەدى. التاي اۋدانى, سرەديگورنوە ورتا مەكتەبىنىڭ مۇعالىمى الەنا سىچۋك ء«ححى عاسىر وباسىنان» قۇتىلۋدىڭ باسقا قۇرالدارى جوق دەپ بارىپ ەكپە العان.
– اركىمنىڭ پىكىرى ءارتۇرلى. ەكپەنىڭ پايداسى بولماسا زيانى جوق. قاي مەملەكەت ءوز ەلىنە جاماندىق جاسايدى؟! ءوز دەنساۋلىعىم مەن اينالام ءۇشىن بارىپ, ۆاكتسينا الدىم. ىندەتتىڭ ەمى شىققانىنا وتە قۋانىشتىمىن. ءبارى ءبىر كىسىدەي ەكپە السا ەكەن. باستى بايلىق – دەنساۋلىق ەمەس پە؟! – دەيدى ورتا مەكتەپ مۇعالىمى.
ايتا كەتەرلىگى, التاي اۋدانىندا مۇعالىمدەر ۆاكتسينانى العاشقىلاردىڭ ءبىرى بولىپ الدى. ويتكەنى ولاردىڭ قىزمەتى بالالارمەن تىعىز بايلانىستى. وسى ورايدا اۋداندىق ءبىلىم ءبولىمىنىڭ كاسىپوداعى مۇعالىمدەرگە الاكولدە تىنىعىپ قايتۋعا 20-دان استام جولداما ءبولدى.
«كازتسينك» جشس كومپانياسىنىڭ كاسىپوداعى ءوز تاراپىنان ەكپە الۋعا ءوز ەركىمەن نيەت بىلدىرگەن جانە ۆاكتسينانىڭ ەكىنشى كومپونەنتىن العان قىزمەتكەرلەرگە سىياقى تاعايىندادى. قىزمەتكەر اياقاستى ناۋقاستانىپ, جۇمىسقا كەلە الماي قالسا دا جالاقى تولىق تولەنەدى. سونداي-اق 50 پايىزدىق جەڭىلدىكپەن تۋريستىك بازالارعا جولدامالار ۇسىنىلادى. سونداي-اق ەكپە العاندار ءۇشىن جاتتىعۋ زالى تەگىن بولادى.
– «كازتسينك» جشس كومپانياسىنىڭ باسشىلىعى ءبىرىنشى كەزەكتە جۇمىسشىلاردىڭ دەنساۋلىعىنا الاڭدايدى. ءبارى بىلىكتى ماماندار. سوندىقتان اتالعان كاسىپورىننىڭ قىزمەتكەرلەرى ەكپە الۋعا بەلسەندى قاتىستى. جۇمىسشىلارعا ىڭعايلى بولۋى ءۇشىن مەكەمەنىڭ ىشىندە ەگۋ پۋنكتى ورنالاستىرىلدى, – دەيدى التاي قالاسىنىڭ «كازتسينك» جشس قىزمەتكەرلەرى كاسىپوداعىنىڭ ءتورايىمى ناتاليا گورباچەۆا.
جالپى شىعىس قازاقستان وبلىسىندا ەكپە ەگۋ جۇمىستارى قارقىندى ءجۇرىپ جاتىر. ونىڭ ۇستىنە جاز ماۋسىمىندا دەمالىس ورىندارىنا ەكپەسى بار ازاماتتاردى عانا كىرگىزبەك. قوعامدىق ورىنداردا Ashyq جوباسى دا ىسكە قوسىلدى.
شىعىس قازاقستان وبلىسى,
التاي اۋدانى