تۇركىستان پوليتسەيلەرى 101-گە كەلگەن قارياعا جاڭا تولقۇجات جاساپ بەردى, دەپ حابارلايدى Egemen.kz.
وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, بۇگىندە وبلىستا قر ازاماتتارىنىڭ قۇجاتتارىن راسىمدەۋ نەمەسە ازاماتتىعى جوق تۇلعالاردى كۋالاندىرۋ, مارتەبەسى رەتتەلمەگەن ادامداردى, ياعني 1974 جىلعى ۇلگىدەگى كسرو پاسپورتىمەن جۇرگەن تۇلعالاردى انىقتاپ, قۇجاتتاندىرۋ ماقساتىندا ارنايى اكتسيا وتۋدە.
اتالعان شارانى كوشى-قون قىزمەتى بولىنىستەرى مەن ۋچاسكەلىك پوليتسيا قىزمەتكەرلەرى بىرلەسە وتكىزىپ, اقپاراتتىق ءتۇسىندىرۋ جۇمىستارىن جۇرگىزىپ جاتىر.
اكتسيا اياسىندا كوشى-قون قىزمەتى توبىنىڭ اعا ينسپەكتورى پوليتسيا مايورى نۇرمان شىڭعىسباەۆ قۇجاتى جوق, نەمەسە مەرزىمى وتكەن تۇلعالاردى انىقتاپ, قۇجات الۋىنا قاجەتتى كومەكتەر كورسەتتى. ءتارتىپ ساقشىلارى تاراپىنان قۇرىلعان ارنايى موبيلدىك توپ ءجۇرىپ-تۇرۋى قيىن ازاماتتاردىڭ ۇيلەرىنە بارىپ, سۋرەتكە ءتۇسىرىپ, قۇجاتتارىن راسىمدەگەن.
«ماسەلەن, تۇركىستان وبلىسىندا 101 جاستاعى اق جاۋلىقتى انا نۋري يۋلداشەۆا پوليتسەيلەرگە تولقۇجاتىنىڭ مەرزىمى وتكەنىن حابارلاعان. كوپ ۇزاماي پوليتسيا قىزمەتكەرلەرى جاڭا تولقۇجاتتى راسىمدەپ ۇيىنە اپارىپ بەردى. عاسىر جاساعان كەيۋانا تۇلكىباس اۋدانىندا تۇرادى. قازىرگى تاڭدا اجەي 1 ۇل, 1 قىز, 10 نەمەرە, 27 شوبەرە, 51 شوپشەك ءسۇيىپ وتىر», دەلىنگەن پد حابارلاماسىندا.