پاندەميا ىزعارى بىلتىرعىداي ەمەس. دەسە دە قاۋىپ بۇلتى ءبىرجولا سەيىلدى دەۋگە ەرتە. بيىلعا بولجام جاساپ, كەلەر جىلى بولۋى مۇمكىن كەيبىر فاكتورلارعا كوز جۇگىرتكەن ەكونوميكالىق ىنتىماقتاستىق جانە دامۋ ۇيىمى ەندىگى احۋالدىڭ قالاي بولارى ۆاكتسينالاۋعا بايلانىستى دەگەن بايلام جاسادى.
كەيبىر ەلدەردە جاعدايدىڭ بىرتىندەپ وڭالىپ كەلە جاتقانى بەلگىلى. ۇيىمنىڭ بولجاۋىنشا, وڭتۇستىك كورەيا مەن اقش جان باسىنا شاققانداعى تابىستىڭ پاندەمياعا دەيىنگى دەڭگەيىنە 18 ايدان كەيىن جەتپەك. ياعني ءبىر جارىم جىلدان سوڭ. كارى قۇرلىقتىڭ كوپ ەلىنە تولىق قالپىنا كەلۋ ءۇشىن 3 جىلداي ۋاقىت قاجەت كورىنەدى. بۇل جاعداي مەكسيكا مەن وڭتۇستىك افريكادا 3 جىلدان 5 جىلعا دەيىن سوزىلۋى مۇمكىن.
«بيىل الەمدىك ەكونوميكالىق ءوسىم 5,8 پايىزدى قۇرايدى دەپ كۇتىلەدى. 2022 جىلى الەمدىك ءىجو ءوسىمى 4,4 پايىزعا جەتەدى. بىراق 2022 جىلدىڭ سوڭىنا قاراي دۇنيەجۇزىلىك كىرىس داعدارىسقا دەيىنگى كۇتىلىمنەن شامامەن 3 ترلن دوللارعا از بولادى. حالقىن COVID-19-عا قارسى جەدەل ۆاكتسينالاعان جانە ينفەكتسيامەن كۇرەستە ءتيىمدى ستراتەگيا قۇرا العان ەلدەردە ەكونوميكا جىلدام قالپىنا كەلەدى. مىسالى, اقش-تا جۇمىسقا ۇسىنىس سانى ءوسىپ جاتىر, اسىرەسە تۋريزم سالاسىندا. ەكونوميكاسى جاقسى دامىعان كوپتەگەن ەلدە يممۋندالۋ دەڭگەيى دە ءوسىم كورسەتۋدە. بىراق كەدەي جانە نارىقتىق ەكونوميكاعا سۇيەنگەن مەملەكەتتەر ارتتا قالىپ جاتىر» دەلىنەدى ۇيىم حابارلاماسىندا.
ء«بىز الەمدىك ءوندىرىس بيىل 6 پايىزعا ۇلعايادى دەپ بولجايمىز. كوپتەگەن ەلدە ءىجو 2022 جىلدىڭ اياعىندا عانا پاندەمياعا دەيىنگى دەڭگەيگە ورالا الادى, بىراق بۇل جەتكىلىكسىز. جاھاندىق ەكونوميكانىڭ ءوسىم تراەكتورياسى ءالى تومەن كۇيىندە قالىپ وتىر. دامۋشى ەلدەردە ۆاكتسينا كولەمى ءالى دە جەتكىلىكسىز. ۆاكتسينانىڭ بولماۋى بۇل ەلدەردىڭ ەكونوميكاسى ءۇشىن ۇلكەن قاۋىپ تۋدىرادى. ينفلياتسيانىڭ, شيكىزات باعاسىنىڭ ءوسۋى جانە ساۋدا-ساتتىق سالاسىنداعى قيىندىقتار باعا قىسىمىنا اكەلىپ سوقتىرۋدا. تەك ون التى ايدان سوڭ عانا بىرقاتار ەل ىندەتتىڭ تارالۋىمەن قارقىندى كۇرەسە باستايدى. قازىردىڭ وزىندە مەملەكەتتەر ۆاكتسينانىڭ 2 ملرد دوزاسىن قولدانىسقا ەنگىزدى, سكرينينگ بويىنشا دا الەۋەت ارتىپ كەلەدى. مەملەكەتتىك ورگانداردىڭ بۇرىن-سوڭدى بولماعان قولداۋ شارالارى ەكونوميكانىڭ قۇرىلىمىن, كاسىپورىندار مەن جۇمىس ورىندارىن ساقتاۋعا كومەكتەستى. داعدارىس تاريحىنا قاراساق, ۇكىمەتتىڭ ارالاسۋى قازىرگىدەي سونشالىقتى تەز جانە ءتيىمدى بولعان ەمەس. قابىلدانعان شارالاردىڭ ناتيجەسىندە وڭدەۋشى سەكتوردىڭ اياسى كەڭەيىپ جاتىر», دەيدى ۇيىمنىڭ باس ەكونوميسى لوۋرەنس بۋن.