Ashyq ۆوكزالدارعا ورناتىلۋى مۇمكىن

قوستاناي, جەلەزورۋدنىي, قۇس­مۇرىن, امانقاراعاي, قوي­باعار, توبىل, ليساكوۆ تەمىر جول بەكەتتەرى ۆوكزال شارۋا­شىلىق­تا­رىنىڭ اتىنان سوي­لەگەن گۇلنار رايىمبەكوۆا:

– قوستاناي وبلىسىندا جولاۋشىلار توقتاۋسىز اعىلىپ جاتقان, كەلىمدى-كەتىمدى ادام­عا ءجيى تولىپ كەتەتىن ۆوك­زال­­­دار كوپ. بىزدە جولاۋ­شى­لار­دىڭ دەنساۋلىعىن تاپ باسىپ انىق­تاي الاتىن مۇم­كىندىك جوق. سوندىقتان جان-جاق­تان اعى­لىپ جاتقان ادامدار جول توقايلاستىراتىن تەمىر جول ۆوكزالدارى Ashyq جوباسىنا ەڭ الدىمەن قاتىسۋى ءتيىس دەپ ويلايمىز. الايدا باس سانيتارلىق دارىگەردىڭ سوڭ­عى قاۋلىسىندا تەمىر جول ۆوك­زالدارى تۋرالى ەش­تەڭە ايتىل­ماعان. قازىر نە ىستە­رىمىزدى بىلمەي وتىرمىز, – دەدى.

وبلىستىق كاسىپكەرلەر پالا­­تاسىنىڭ ديرەكتورى مۇرات ابەنوۆتىڭ سوزىنشە, ءدال قازىر Ashyq جوباسىنا قاتى­سۋدىڭ ەكى-اق جولى بار ەكەن.

– ەگەر سىزدەر Ashyqqا دا­يىن بولساڭىزدار, ءبىز ءوز تاراپىمىزدان جوبانى ەنگىزۋگە جانە الگوريتمىن تۇزۋگە كومەك بەرە الامىز. بۇل جوباعا ەرىك­تى تۇردە قاتىسقىسى كەلدە­تىن­دەر­گە قاتىستى. ال Ashyqqا ۇكى­مەت جانىنان جۇمىس ىس­تەپ جات­قان سالاارالىق كوميس­سيا­نىڭ كەلىسى­مىمەن قاتىسۋ جونىنە كەلەتىن بول­ساق, وندا سىزدەر Ashyqty قوس­تاناي وب­لى­سىنداعى تەمىر جول ۆوك­زال­دارىنا قاناتقاقتى جوبا رەتىندە ەنگىزۋ تۋرالى ۇسى­نىس بەرە الاسىزدار, – دەدى م.ابەنوۆ.

تەمىر جول ۆوكزالدارىنىڭ وكىل­دەرى بۇل ماسەلەنى جيىن اياق­تالا سالىسىمەن, دالى­رەك ايت­ساق, 25 مامىردا رەس­پۋب­ليكا دەڭ­گەيىندە كوتەردى. مۇنى «اتامەكەن» ۇكپ توراعا­سىنىڭ ورىنباسارى يۋليا ياكۋپباەۆا دا اتاپ ءوتتى. ونىڭ ايتۋىنشا, Ashyq جو­باسىنا قوسىلماس بۇرىن تەمىر جول ۆوكزالدارىن­دا الدىن الا دايىندىق جۇ­مىستارى جۇرگىزىلۋى ءتيىس ەكەن. وسىعان باي­لانىستى بۇل ما­سە­­لە ءسال كەيىنگە شەگەرىلىپ, ىن­دەتكە قار­سى كۇرەس جونىندەگى سالا­ارالىق كوميس­سيانىڭ تاياۋ كۇندەرى وتەتىن وتى­رىسىندا قارالاتىن بولىپ شەشىلدى.

وبلىستىق كاسىپكەرلەر پا­لا­­تاسىنىڭ مالىمەتىنشە, بۇ­گىن­گى تاڭدا وڭىردە Ashyq جو­با­­سىنا 232 كاسىپورىن قاتى­سىپ جاتىر.

– قازىر جوباعا قاتىس­قى­سى كەلە­تىندەردىڭ جالپى ءتى­­زىمى جاسا­لىپ جاتىر. ىن­تا بىل­­­دىرۋشىلەردەن كۇن سايىن­ وتى­نىمدەر كەلىپ تۇسۋ­دە. Ashyq ءموبيلدى قوسىمشا­سىنا قا­تىستى ساۋالى بار كاسىپ­كەر­لەردىڭ 8 7142 394208 جانە 8 777 268 47 08 نومىرىنە حابار­لاسۋىنا بو­لادى. ءبىز ماسە­لەنىڭ ءبارىن ءتۇسىن­دىرىپ, كومەك­تەسەمىز, – دەدى وبلىس­تىق كاسىپكەرلەر پالاتاسى ديرەكتورىنىڭ ورىنباسارى گەنادي كۋكوبا.

ال ايماق باسشىسى ار­حيمەد مۇحامبەتوۆ وبلىس­تىق جەدەل شتاب وتىرىسىندا ءوڭىر كاسىپ­كەرلەرىنىڭ Ashyq جوبا­سىنىڭ ءمانى مەن پايداسىن ءالى دە دۇرىس تۇسىنبەي وتىرعانىن ەسكەرتىپ, وبلىس تۇرعىندارىن ىندەتكە قارسى ورتاق جوباعا بەلسەندى اتسالىسۋعا ۇندەدى. سونىمەن قاتار قالالار مەن اۋداندار اكىمدەرىنە وسى با­عىتتاعى جۇمىستى كۇشەيتىپ, جوبانىڭ جۇزەگە اسىرىلۋىن باقى­لاۋعا الۋدى, اقپاراتتىق-ءتۇ­سىندىرۋ جۇمىستارىن جۇر­گىزۋدى تاپسىردى.