بۇل تۋرالى Nur Otan پارتياسى قىزىلوردا قالالىق فيليالىنىڭ توراعاسى, قالا اكىمى عانيبەك قازانتاەۆ تۇرعىنداردى جەكە ماسەلەلەرى بويىنشا قابىلداۋ بارىسىندا ايتتى, دەپ حابارلايدى Egemen.kz.
Nur Otan پارتياسىنىڭ قالالىق فيليال عيماراتىندا وتكەن قابىلداۋدا تۇرعىندار نەگىزىنەن كوممۋنالدىق, الەۋمەتتىك ماسەلەلەر جايلى ايتتى.
تۇرعىنداردىڭ ءوتىنىش-تىلەگىن شاھار باسشىسى مۇقيات تىڭداپ, ءار ازاماتقا جەكە ۋاقىت ءبولدى. سونداي-اق, قابىلداۋدا كوتەرىلگەن تۇيتكىلدى ماسەلەلەردىڭ ءتۇيىنىن تارقاتۋعا ەرەكشە نازار اۋدارىپ, كەز كەلگەن ساۋالدىڭ زاڭ اياسىندا جەدەل شەشىلۋىنە باسىمدىق بەردى. تيىسىنشە جاۋاپتى سالا باسشىلارىنا بىرقاتار تاپسىرمالار بەرىپ, ماسەلەنىڭ شەشىلۋى مەن تاپسىرمانىڭ ورىندالۋ بارىسى ءوز باقىلاۋىندا بولاتىندىعىن جەتكىزدى.
كەزدەسۋدەگى كوپ سۇراۋىنىڭ ءبىرى باسپانا جايى. بۇل ماسەلەدە قالا اكىمى تۇرعىن ءۇي بەرۋ تەك قولدانىستاعى زاڭ اياسىندا رەتتەلىپ, كەزەك رەتىمەن تابىستالاتىندىعىن ءتۇسىندىرىپ, كۇز ايلارىندا سول جاعالاۋدان 680 پاتەر مۇقتاج ازاماتتارعا كەزەك رەتىمەن بەرىلەتىندىگىن اتاپ ءوتتى.