زايسان اۋدانى, شىلىكتى اۋىلدىق وكرۋگىندە ءتورت ت ۇلىكتىڭ تۇسىنىكسىز سەبەپتەردەن ءولىپ جاتىر. قازىرگى تاڭدا اۋداندىق ۆەتەرينارلىق ينسپەكتسيا جانە اۋداندىق مال دارىگەرلىك كاسىپورىنىنىڭ ماماندارى اۋرۋدىڭ الدىن الۋ, ەمدەۋ شارالارىن جالعاستىرىپ جاتىر, دەپ حابارلايدى Egemen.kz.
اۋدان باسشىلىعىنىڭ حابارلاۋىنشا, قازىر جاعداي تۇراقتالدى. الايدا, اۋرۋدىڭ ناقتى سەبەبىن انىقتاۋ ءۇشىن اۋدانعا رەسپۋبليكالىق جانە وبلىستىق كوميسسيا كەلىپ, جۇمىس جۇرگىزۋدە. ناقتىراق ايتساق, كوميسسيا قۇرامىندا رەسپۋبليكالىق ەپيزوتياعا قارسى مەملەكەتتىك مەكەمەسىنىڭ ديرەكتورى س.ابدۋلكاليكوۆ, اۋىلشارۋاشىلىعى مينيسترلىگىنىڭ ۆەتەرينارلىق باقىلاۋ جانە قاداعالاۋ كوميتەتىنىڭ بيولوگيالىق قاۋىپسىزدىك باسقارماسىنىڭ باس ساراپشىسى م.احمەتوۆ, ۇلتتىق رەفەرەنتتىك ورتالىعىنىڭ مامانى ب. كەنتباەۆ جانە وبلىستىق ۆەتەرينارلىق ينسپەكتسياسىنىڭ بيولوگيالىق قاۋىپسىزدىك ءبولىمىنىڭ باسشىسى ن. ادىلبەكوۆ جۇمىس ىستەپ جاتىر.
كوميسسيا اۋرۋ شىققان ەلدى مەكەندەردەگى ءار ءۇيدى ارالاپ, جاعدايمەن تانىسىپ, مالدان سىناما الدى. ونى رەسپۋبليكالىق ساراپتاما ورتالىقتارىنا جىبەرەدى. مال شىعىنىنا بايلانىستى مال اۋرۋىنىڭ سەبەپتەرى تەز ارادا انىقتالىپ, قوسىمشا شارالار قوبىلدانادى.
بۇعان دەيىن دە اۋرۋ مالدان كۇدىكتى دەگەن اۋرۋ تۇرلەرىنە سىنامالار الىنىپ, زەرتحانالارعا جىبەرىلگەن. بىراق, قورتىندىسى تەرىس ناتيجە كورسەتتى.
اۋدان اكىمى سەرىك زاينۋلدين ارنايى كوميسسيامەن بىرگە شىلىكتىگە بارىپ, تۇرعىنداردان كوميسسيا قورتىندىسىن كۇتۋلەرىن سۇرادى.