بۇگىن قىتايدىڭ وڭتۇستىك-باتىس بولىگىندە گۋيچجوۋ پروۆينتسياسىندا «Big Data EXPO 2021» حالىقارالىق كورمەسى جۇمىسىن باستادى, دەپ حابارلايدى Egemen.kz.
«تسيفرلىق ينتەللەكت جانە جاڭا تەحنولوگيالار» تاقىرىبىنا ارنالعان كورمە باعدارلاماسىنا ءتۇرلى كاسىبي ديالوگتار, فورۋمدار كىرەدى, ەكسپوزيتسيالار جانە باسقا دا ءىس-شارالار وتەدى.
ۇيىمداستىرۋشىلار مەن قاتىسۋشىلار دەرەكتەر قاۋىپسىزدىگى, تسيفرلىق قىزمەتتەر جانە سالالاردى تسيفرلاندىرۋ سياقتى تاقىرىپتاردى تالقىلايدى. ۇيىمداستىرۋ كوميتەتىنىڭ مالىمەتىنشە, Big Data EXPO 2021 حالىقارالىق كورمەسىنە 225 قىتايلىق جانە شەتەلدىك كاسىپورىندار قاتىسۋدا. Big Data EXPO, قىتايداعى ءىرى دەرەكتەر يندۋسترياسىنىڭ العاشقى كورمەسى گۋيچجوۋ پروۆينتسياسىندا 2015 جىلدان بەرى وتكىزىلىپ كەلەدى.
2019 جىلى ەكسپو اياسىندا 15,7 ملرد دوللارلىق كەلىسىمشارتتارعا قول قويىلدى. وتكەن جىلى ۇيىمداستىرۋشىلار Covid-19 وقيعاسىنا بايلانىستى كورمە وتكىزبەدى. كورمە Data-ورتالىقتارىن قۇرۋ ءۇشىن Apple, Huawei, Tencent سياقتى ءىرى كومپانيالاردى تارتا الدى.