ورتالىق كوممۋنيكاتسيالار قىزمەتىندە وتكەن بريفينگتە قر تسيفرلىق دامۋ, يننوۆاتسيالار جانە اەروعارىش ونەركاسىبى ۆيتسە-ءمينيسترى اسەت تۇرىسوۆ Ashyq-تاعى اقاۋ ءۇشىن كەشىرىم سۇرادى, دەپ حابارلايدى Egemen.kz.
«سوڭعى كۇندەرى جۇيەدە بولعان اقاۋلار مەن تەحنيكالىق پروبلەمالارعا قاتىستى ازاماتتاردان كەلتىرىلگەن قولايسىزدىقتار مەن تەحنيكالىق پروبلەمالار ءۇشىن كوماندامەن بىرگە كەشىرىم سۇراعىم كەلەدى. نەگە بۇلاي بولدى؟ بۇعان دەيىن ايتىپ وتكەنىمدەي, مەملەكەت «Ashyq» جۇيەسىن قابىلدادى, ءبىز م ۇلىكتىك قۇقىقتاردى الدىق, سوندىقتان سوڭعى كۇندەرى تولىق سۇيەمەلدەۋگە كوشۋ جانە «ۇات» اق وپەراتورىنا بەيىمدەلۋ بولدى. ەندى تەحنيكالىق ماسەلەنى ءبىزدىڭ ۇلتتىق وپەراتور قاداعالايتىن بولادى», دەدى سپيكەر.
بۇدان بىلاي تەحنيكالىق ماماندار جۇيەنى سۇيەمەلدەپ, تولىقتاي باسقارادى. سونىمەن قاتار, ءموبيلدى قوسىمشا ۇنەمى جاڭارتىلىپ وتىرادى. 18 مامىردان باستاپ Android-تە جاڭا نۇسقا ىسكە قوسىلدى, وندا QR-كودتى سكانەرلەمەي-اق ءوز مارتەبەڭىزدى تەكسەرۋگە بولادى.
«بوگدە ادامنىڭ جسن ەنگىزۋ مۇمكىندىگىن بولدىرماۋ ءۇشىن «Ashyq» ءموبيلدى ازاماتتار بازاسىمەن بىرىكتىرىلگەن. سالىستىرۋ جۇرگىزىلۋدە. ەگەر باسقا بىرەۋدىڭ جسن ەنگىزسەڭىز جانە ول e-gov دەرەكتەرىنە سايكەس كەلمەسە, بىراق نومىرگە سايكەس كەلسە, ازاماتتاردان e-gov mobile جۇكتەپ, وسى قوسىمشادان سايكەستەندىرۋدى سۇرايمىن. ازاماتتارعا ارنالعان مارتەبە قوسىمشاسىندا بولۋ ءۇشىن ۆاكتسيناتسيا پاسپورتى قىزمەتىمەن بىرىكتىرۋ بويىنشا جۇمىس جالعاسۋدا. جاقىن ارادا ىسكە اسىرىلادى دەپ ويلايمىن», دەپ سەندىردى ۆيتسە-مينيستر.
ال ازاماتتار ءبىر قوسىمشاعا تاۋەلدى بولماس ءۇشىن AITU قوسىمشاسىندا بالاما بار, سەرۆيس باسقا تانىمال ءموبيلدى قوسىمشالار مەن سايتتاردا قولجەتىمدى بولۋى ءۇشىن ەكىنشى دەڭگەيدەگى بانكتەرمەن كەلىسسوزدەر جۇرگىزىلۋدە.