قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ ساۋدا-لوگيستيكالىق جانە كوتەرمە ديستريبيۋتەرلىك ورتالىقتار جۇيەسىن قۇرۋدى ۇسىندى, دەپ حابارلايدى Egemen.kz.
«قازاقستان وزبەكستانمەن بىرگە ورتالىق ازيادا حالىقارالىق ساۋدا-ەكونوميكالىق ىنتىماقتاستىق ورتالىعىن قۇرۋ جونىندەگى بىرلەسكەن جوبانى ءىس جۇزىندە جۇزەگە اسىرۋعا كىرىستى. ورتالىق باتىس ەۋروپا - باتىس قىتاي ستراتەگيالىق ماگيسترالىنىڭ بويىندا ورنالاسادى, بۇل ءوزارا ترانزيتتىك ساۋدانىڭ ءوسۋىن قامتاماسىز ەتەدى, سونداي-اق تاۋار اعىنىن اقتاۋعا جانە ءونىمنىڭ قاۋىپسىزدىگىن قامتاماسىز ەتۋگە كومەكتەسەدى», دەدى قاسىم-جومارت توقاەۆ جەەك وتىرىسىندا.
مەملەكەت باسشىسى وداقتىڭ بارلىق ەلدەرىمەن وسىنداي بىرلەسكەن ينفراقۇرىلىمدى ورتاق دامىتۋدى ۇسىندى.
«وداق شەڭبەرىندە ساۋدا-لوگيستيكالىق جانە كوتەرمە ساتىلىم ورتالىقتارىنىڭ جۇيەسىن قۇرۋ دا ۇلكەن ماڭىزعا يە بولىپ وتىر. مۇنداي جۇيە ءبىزدىڭ ەلدەرىمىزدىڭ ازىق-ت ۇلىك قاۋىپسىزدىگىن قامتاماسىز ەتەدى, اگروونەركاسىپتىك سەكتوردىڭ الەۋەتىن قولدايدى, سايكەسىنشە نەگىزگى ونىمدەرگە باعانى تومەندەتەدى», دەپ تۇيىندەدى مەملەكەت باسشىسى.