جۇيەلى مەديتسينالىق كومەك جالعاسادى

استانا حالقىنىڭ دەنساۋلىعىن ساقتاۋ ماقساتىندا بولىنگەن قارا­جات­تىڭ 9,2 ملرد تەڭگەسى تەگىن كەپىل­دەندىرىلگەن مەديتسينالىق كومەككە (تمككك), ال 8 ملرد تەڭگەسى مىن­دەتتى الەۋمەتتىك مەديتسينالىق ساق­تاندىرۋ ء(مامس) پاكەتىندەگى مەدي­تسينالىق قىزمەتتەرگە ارنالعان. قور 1 ساۋىردەگى جاعداي بويىنشا نۇر-سۇل­تان قالاسىندا 108 مەديتسينالىق قىز­مەت كورسەتۋشىمەن شارت جاسادى, ونىڭ 71-ءى – جەكەمەنشىك كليني­كالار. ەلورداداعى جەكەمەنشىك مە­ديتسينالىق قىزمەت جەتكىزۋشىلەر ۇلەسى – 66%. جىل وتكەن سايىن حالىققا مەديتسينالىق قىزمەت كورسەتەتىن جەكەمەنشىك قىزمەت كورسەتۋشىلەر ۇلەسى ارتۋدا. بۇل پاتسيەنتتىڭ ۇزدىك كلي­نيكانى تاڭداۋىنا مۇمكىندىك بەرەدى. مەديتسينالىق قىزمەت كورسە­تۋشىلەر ءتىزىمىن قوردىڭ fms.kz سايتىنان قاراۋعا بولادى,  دەدى ن.قاب­دىقاپاروۆ.

2021 جىلى قور امبۋلاتوريالىق-ەمحانالىق دەڭگەيدەگى مەديتسينالىق قىزمەتتەردىڭ قولجەتىمدىلىگىن كەڭەي­­تىپ, ستاتسيوناردى الماستىرا­تىن كو­مەكتى, كۇندىزگى ستاتسيونار قىزمەتىن, قا­شىقتان كورسەتىلەتىن مەديتسينالىق كومەكتى, پروفيلاكتيكالىق تەكسەرۋ­لەردى, بالا دەنساۋلىعىن قورعاۋ, مەكتەپ مەديتسيناسى جانە ونكوگەماتولوگيا بويىنشا قارجىلاندىرۋ كولەمىن كوبەيتەدى.

قور تاراپىنان بالالار دەنساۋ­لىعىن ساقتاۋعا دا ەرەكشە كوڭىل بو­لى­نەدى. اتاپ ايتقاندا, «اڭساعان ءسابي» باعدارلاماسىن ىسكە اسىرۋ ءۇشىن ەكۇ-عا كۆوتا سانىن كوبەيتۋگە جانە ەرەكشە قاجەتتىلىكتەرى بار بالالارعا ارنالعان «قامقورلىق» مەديتسينالىق وڭالتۋ ورتالىعىنا قوماقتى قارجى بولىنەدى. سونداي-اق ماقساتتى توپ­تاعى پاتسيەنتتەردى ءدارى-دارمەكپەن قامتاماسىز ەتۋ نازاردا بولادى. 1 مامىرداعى جاعداي بويىنشا جىل باسىنان بەرى نۇر-سۇلتان قالاسىندا 3,35 ملرد تەڭگە سوماسىنا 282 059 رەتسەپت بويىنشا 116 060 پاتسيەنت تەگىن ءدارى-دارمەكپەن قامتاماسىز ەتىلدى. ونىڭ ىشىندە تمككك شەڭبەرىندە 2,7 ملرد تەڭگە, ءمامس 0,65 ملرد تەڭگە قاراستىرىلدى, دەدى سپيكەر.

سونىمەن قاتار باس قالادا وسى جىل­دىڭ ءبىرىنشى توقسانىندا كوروناۆيرۋس ينفەكتسياسىمەن كۇرەس اياسىنداعى ءىس-شارالاردى قار­جى­لاندىرۋ 5,2 ملرد تەڭگەنى قۇ­رادى. ونىڭ ىشىندە مەديتسينا قىزمەتكەرلەرىنە ۇستەمەاقى تولەۋ, كارانتيندىك جانە ينفەكتسيالىق ستاتسيونارلار, پتر-دياگنوستيكا, ءموبيلدى بريگادالار سياقتى قىز­مەتتەر قام­تىلعان.

قازىرگى ۋاقىتتا ەلوردادا تۇرعىن­داردىڭ 83,4%-ى ءمامس جۇيەسىندە ساقتاندىرىلعان. ءمامس جۇيەسى ەن­گى­زىلگەننەن بەرگى ارالىقتا ساقتان­دىرىلعان تۇرعىندار سانى 75 034 ادامعا كوبەيدى. 2020 جىلدىڭ قاڭتار ايىندا 922 893 ادام بولسا, 2021 جىلدىڭ 1 مامىرىنداعى كورسەتكىش – 997 927 ادام. ءالى 198 مىڭنان اسا قالا تۇرعىنى ءمامس جۇيەسىنەن تىس قا­لىپ وتىر.