قازاقستاننىڭ ماكروەكونوميكالىق كورسەتكىشتەرى ناقتىلاندى

«ماكروكورسەتكىشتەردىڭ بولجامى ەل ەكونوميكاسىنىڭ ءوسۋى بويىنشا جەدەل دەرەكتەردى, الەمدىك ەكونوميكا مەن نارىقتاعى ۇردىستەردى ەسكەرە وتىرىپ, ناقتىلاندى. جالپى ىشكى ءونىمنىڭ ءوسۋ قارقىنى قاڭتار ايىنداعى مينۋس 4,5% پايىزدان ءساۋىر ايىنىڭ قورىتىندىسى بويىنشا پليۋس 0,7% پايىزعا دەيىن جاقساردى.

ماكروكورسەتكىشتەردى ناقتىلاۋ كەزىندە مۇنايدىڭ ورتاشا جىلدىق باعاسى باررەلىنە 50 دوللار دەڭگەيىندە ايقىندالدى. دۇنيەجۇزىلىك بانك پەن حالىقارالىق ۆاليۋتا قورىنىڭ بولجامدارى بويىنشا الەمدىك ەكونوميكانىڭ ءوسۋى وسى جىلى 4,3% جانە 6 % قۇرايدى. جوعارىدا باياندالعانداردى ەسكەرە وتىرىپ, ەل ەكونوميكاسىنىڭ ءوسۋ بولجامى 2,8% پايىزدان 3,1% دەيىن جاقساردى. وسىلايشا ەكونوميكالىق ءوسىم قالپىنا كەلۋ ساتىسىندا بولادى», دەدى مينيستر.

بۇل رەتتە نومينالدى جالپى ىشكى ءونىم 77,8 ترلن تەڭگە كولەمىندە باعالانۋدا. سىرتقى سۇرانىستى قالپىنا كەلتىرۋ اياسىندا مەتاللۋرگياداعى ءوندىرىستىڭ نەعۇرلىم بەلسەندى ءوسۋ ەسەبىنەن وڭدەۋشى ونەركاسىپتەگى بولجامدى كورسەتكىشتەر 4,1%-دان 5,2% -عا دەيىن جاقساردى.

«ۇلتتىق بانكتىڭ بولجامى بويىنشا ەكسپورت 10,8 ملرد دوللارعا, ياعني 52,2 ملرد دوللارعا دەيىن ۇلعايادى. يمپورت 37,1 ملرد دوللاردى قۇرايدى. ينفلياتسيا بۇرىن بەكىتىلگەن 4-6% دالىزدە ساقتالدى. تۇزەتىلگەن ماكروەكونوميكالىق بولجام نەگىزىندە 2021 جىلعا ارنالعان رەسپۋبليكالىق بيۋدجەت پارامەترلەرىنىڭ بولجامى ناقتىلاندى. رەسپۋبليكالىق بيۋدجەتتىڭ كىرىستەرى ترانسفەرتتەردى ەسەپكە الماعاندا 2021 جىلى 7 ترلن 204 ملرد تەڭگە كولەمىندە باعالانادى. ۇلتتىق قوردان كەپىلدەندىرلگەن ترانسفەرت وزگەرمەيدى جانە 2 ترلن 700 ملرد تەڭگە مولشەرىندە ساقتالدى. ۇلتتىق قوردان نىسانالى ترانسفەرت 1 ترلن تەڭگەدەن 1 ترلن 850 ملرد تەڭگەگە دەيىن ۇلعايادى. رەسپۋبليكالىق بيۋدجەت شىعىستارى 15 ترلن 334 ملرد تەڭگە كولەمىندە بولجانىپ وتىر. بيۋدجەت تاپشىلىعى جالپى ىشكى ونىمگە قاتىستى 3,5% دەڭگەيىندە بولجانىپ وتىر», دەدى ءا. ەرعاليەۆ.