Astana International Exchange بيرجاسى جەرگىلىكتى بولشەك ساۋدا ينۆەستورلارىنىڭ اقش تەحنولوگيالىق كومپانيالارىنىڭ NASDAQ 100 يندەكسىنە قولجەتىمدىلىگىن قامتاماسىز ەتۋ ماقساتىندا جاڭا بيرجالىق نوتا («ETN») ليستينگى وتكەنى تۋرالى حابارلايدى.
iX NASDAQ 100 Equities بيرجالىق نوتاسى NASDAQ 100 يندەكسىنە ەنگىزىلگەن Apple, Microsoft, Google, Amazon, Tesla جانە تاعى باسقا الەمدىك تەحنولوگيالىق كومپانيالاردىڭ اكتسيالارىنا ينۆەستيتسيالاۋدىڭ شىعىنى از, سالىق سالىنۋ دەڭگەيى تومەن نۇسقاسى سانالادى.
«AIX قازاقستاندىق بولشەك ساۋدا ينۆەستورلارىنا ارناپ, ءتۇرلى اكتيۆتەردىڭ يندەكستەرى مەن نىساندارىنا ينۆەستيتسيالاي الۋى ءۇشىن باعالى قاعازدار اسسورتيمەنتىن ۇلعايتۋىن جالعاستىرۋدا. ETN ورنالاستىرۋ ارقىلى بيرجا جەرگىلىكتى بولشەك ساۋدا ينۆەستورلارىنىڭ قورىن دامىتۋ بويىنشا ءوز مىندەتتەمەلەرىن ورىندايدى», دەدى AIX باسقارماسىنىڭ توراعاسى تيم بەننەتت.
بيرجالىق نوتالار ينۆەستورلارعا ءتۇرلى نارىقتىق نەگىزگى كورسەتكىشتەردىڭ كىرىستىلىگىنە جول اشادى. iX NASDAQ 100 Equities بيرجالىق نوتاسى Invesco QQQ Shares بيرجا قورىنىڭ كورسەتكىشتەرىنە بايلانىستىرىلعان.
«رايففايزەنبانك» اكتيۆتەردىڭ ساقتالۋىن قامتاماسىز ەتەتىن بانك-دەپوزيتاري رەتىندە, سونداي-اق CROWE Kazakhstan كومپانياسى اۋديتورلىق كومپانيا رەتىندە بەلگىلەندى.
AIX بيرجاسى 2017 جىلى «استانا» حالىقارالىق قارجى ورتالىعىن دامىتۋ شەڭبەرىندە قۇرىلدى. «استانا» حالىقارالىق قارجى ورتالىعى, گولدمان ساكس, شانحاي قور بيرجاسى, جىبەك جولى قورى جانە AIX-كە ساۋدا پلاتفورماسىن دا ۇسىناتىن NASDAQ AIX اكتسيونەرلەرى سانالادى. بيرجا اعىلشىن قۇقىعىنىڭ قاعيدالارىنا نەگىزدەلگەن نورماتيۆتىك ورتا شەڭبەرىندە جۇمىس ىستەيدى, وسى ارقىلى ينۆەستيتسيالىق قىزمەتتى جۇرگىزۋدىڭ سەنىمدى شارتتارىن قامتاماسىز ەتەدى.