قازاقستان پرەزيدەنتىنىڭ كومەكشىسى – پرەزيدەنت اكىمشىلىگىنىڭ وتىنىشتەردى قاراۋدى باقىلاۋ ءبولىمىنىڭ مەڭگەرۋشىسى تامارا دۇيسەنوۆا سىر وڭىرىنە ءىسساپارى بارىسىندا دوستىق ۇيىنە كەلىپ, مازمۇندى جيىن وتكىزدى. جيىنعا جوبانى ىسكە اسىرۋعا جاۋاپتى مەملەكەتتىك ورگانداردىڭ – تسيفرلىق دامۋ, يننوۆاتسيالار جانە اەروعارىش ونەركاسىبى, ادىلەت مينيسترلىكتەرىنىڭ, باس پروكۋراتۋرانىڭ جانە باسقا دا مەكەمەلەردىڭ وكىلدەرى, ەتنومادەني بىرلەستىكتەردىڭ جەتەكشىلەرى مەن باق وكىلدەرى قاتىستى.
جيىندا تامارا دۇيسەنوۆا مەملەكەتتىك ورگاندار جۇمىسىنىڭ جاڭا جاعدايداعى جۇمىس ەرەكشەلىكتەرى جانە ءوتىنىش بەرۋشىلەرمەن جۇمىس ساپاسىن ارتتىرۋدىڭ جاڭا مۇمكىندىكتەرى تۋرالى ايتتى. ەندى «ە-ءوتىنىش» ءبىرتۇتاس اقپاراتتىق جۇيەسى ارقىلى ءوتىنىش بەرۋشى دالەلدەر كەلتىرۋ جانە ولاردى زەردەلەۋگە قاتىسۋ جانە تۇسىنىكتەمە بەرۋ, قاجەتتى قۇجاتتاردى ۇسىنۋ قۇقىعىنا يە بولادى. سونداي-اق مەملەكەتتىك ورگاننان العان جاۋابىنا قاناعاتتانباسا, ونىڭ جوعارى ساتىدا تۇرعان ورگانعا شاعىم كەلتىرۋگە جانە تالاپ-ارىزبەن سوتقا بەرۋگە قۇقىعى بار. سىنىقتى سىلتاۋ قىلىپ, بولماشى سەبەپتەرمەن تالاپ-ارىزداردى كەرى قايتارۋ تاجىريبەسىن توقتاتۋ ءۇشىن سوت ءوتىنىش بەرۋشىلەرگە تالاپ-ارىزدى دۇرىس جازۋعا كومەكتەسەتىن بولادى. سۋديا «بەلسەندى» جانە «سويلەۋشى» بولادى, ارىزدانۋشىعا مۇددەسىن قورعاۋدا كومەكتەسەدى. بۇنداي وزگەرىس لاتۆيا, گرۋزيا, مولدوۆا, ازەربايجان جانە باسقا دا ەلدەردە ءساتتى ىسكە اسىرىلۋدا.
«ە-ءوتىنىش» قانداي وزگەرىستەر اكەلەدى؟ وتىنىشتەرمەن جۇمىستىڭ يدەولوگياسى وزگەرەدى, ءىس جۇزىندە ازاماتتاردىڭ كەز كەلگەن ءوتىنىشى, ونىڭ قۇقىقتارىن جۇزەگە اسىرۋعا بايلانىستى سوت تالقىلاۋىنىڭ ءمانى بولۋى مۇمكىن, دالەلدەمەلەردى جيناۋ بويىنشا مىندەتتەردى جاۋاپكەر ورگانعا تولىق جۇكتەيدى, جاڭا اكىمشىلىك سوتتار قۇرىلۋدا جانە سوت ورگاندارىنىڭ ءرولى تۇبەگەيلى وزگەرۋدە.
ءبىرىنشى شىلدەدەن باستاپ كەزەڭ-كەزەڭمەن «ە-وتىنىشكە» ءوتۋ باستالادى. ازاماتتاردىڭ وتىنىشتەرى مەملەكەتتىك ورگاندارعا ءبىرتۇتاس اقپاراتتىق جۇيە ارقىلى تۇسەتىن بولادى. ارىزدانۋشى ءوز ءوتىنىشىنىڭ قارالۋ بارىسىن كورىپ وتىرادى. قاراۋ مەرزىمى 30-دان 15 كۇنگە قىسقارتىلادى. قازىرگى تاڭدا ورتالىق مەملەكەتتىك جانە جەرگىلىكتى اتقارۋشى ورگاندار 100% اقپاراتتىق جۇيەگە قوسىلعان, ەل كولەمىندە قاناتقاقتى قولدانۋ باستالدى. ەندىگى كەزەكتە حالىقپەن جۇمىس ىستەۋ جەرگىلىكتى بيلىك ورگاندارىنا تىكەلەي بايلانىستى بولادى.