بۇۇ گازاداعى جاعدايعا بايلانىستى رەسمي مالىمدەمە جاسادى

«38 مىڭنان استام پالەستينالىق باس ساۋعالاپ بىرىككەن ۇلتتار ۇيىمىنىڭ قامقورلىعىنداعى 48 مەكتەپكە ورنالاستىرىلدى. 2,5 مىڭنان استام ادامنىڭ ءۇيى قيراپ, مۇلدە باسپاناسىز قالدى. 41 ءبىلىم بەرۋ ورنى, 2 بالاباقشا, بىرىككەن ۇلتتار ۇيىمىنىڭ پالەستينالىق بوسقىندارعا كومەك بەرۋ اگەنتتىگىنىڭ كاسىپتىك ورتالىعى مەن جوعارى ءبىلىم بەرۋ مەكەمەسى قيرادى. گازاعا ەلەكتر جارىعىن بەرۋ كۇنىنە 8 ساعاتتان 6 ساعاتقا قىسقاردى. دەنساۋلىق ساقتاۋ, سۋ بەرۋ جۇيەلەرىنە, كارىز قۇبىرلارىنا زاقىم كەلدى», دەدى بۇۇ باس حاتشىسىنىڭ رەسمي وكىلى ستەفان ديۋجارريك.

ايتا كەتەيىك, Associated Press اگەنتتىگىنىڭ مالىمەتىنشە, ەۆرەي اسكەرىنىڭ اۋە شابۋىلدارىنان قازا تاپقاندار سانى 212 ادامعا جەتتى. قۇرباندار اراسىندا 61 بالا مەن 36 ايەل بار. تاعى 1400-دەن استامى جاراقات العان. ال حاماس اتقىلاعان زىمىرانداردان 10 يزرايلدىك اجال قۇشقان.