بۇگىن فۋتبولدان پرەمەر-ليگا كوماندالارى اراسىنداعى ەل بىرىنشىلىگى ون ءبىرىنشى تۋرىنىڭ العاشقى ويىن كۇنى اياقتالدى, دەپ حابارلايدى Egemen.kz.
بۇگىنگە بەلگىلەنگەن كەزدەسۋلەر ەلوردالىق «استانا» مەن تالدىقورعاننىڭ «جەتىسۋ» جۇبىنىڭ ويىنىمەن مارەسىنە جەتتى. تۋرنير كەستەسىندە العاشقى جانە سوڭعى ورىندا تۇرعان كوماندالار كەزدەسۋىن جانكۇيەرلەر اسىعا كۇتكەنى انىق.
ويىن تاعدىرىن جالعىز گول شەشتى. ونى 4-مينۋتتا ەلوردالىق فۋتبولشى مارين توماسوۆ ءوزىنىڭ ەنشىسىنە جازدى. بۇدان كەيىن ەسەپتى وزگەرتەتىن بىرنەشە مۇمكىندىك بولعان ەدى. ويىن سوڭىنا دەيىن تابلوداعى ەسەپ وزگەرگەن جوق. وسىلايشا «استانا» قارسىلاسىن 1:0 ەسەبىمەن تىزە بۇكتىردى. ەلوردالىق كلۋب قاتارىنان سەگىزىنشى مارتە جەڭىسكە جەتىپ وتىر.
بۇگىنگى جەڭىستەن كەيىن «استانا» 29 ۇپاي جيناپ, ءبىرىنشى ورىندا تۇر. ودان كەيىنگى ورىنداعى «توبىلدىڭ» 21, «اقجايىقتىڭ» 18 ۇپايى بار.