قۇرمەتتى وتانداستار!
سىزدەردى وتان قورعاۋشىلار كۇنىمەن شىن جۇرەكتەن قۇتتىقتايمىز!
بۇل مەرەكە بارشا قازاقستاندىقتى وتانعا دەگەن سۇيىسپەنشىلىككە جانە ونى قورعاۋعا دايىن بولۋعا شاقىرادى.
7 مامىر – ەل تاۋەلسىزدىگى مەن ەگەمەندىگىن كۇزەتەتىن ۇلتتىق ارميا قۇرىلعان كۇن. قازاقستاننىڭ قازىرگى قارۋلى كۇشتەرى – مەملەكەتتىڭ تۇراقتى جانە سەنىمدى دامۋىنىڭ كەپىلى.
ءبىزدىڭ ەلىمىزدىڭ تاريحى قاي ۋاقىتتا دا قازاقستان حالقىنا ءتان ەلدىك پەن ەرلىكتىڭ مىسالدارىنا تولى. باتىرلىق, باتىلدىق, جانقيارلىق جانە انتقا ادالدىق ارقاشان ءبىزدىڭ ساربازدار مەن وفيتسەرلەردىڭ وزگەرمەيتىن قاسيەتتەرى بولىپ قالا بەرەدى.
بۇل كۇنى ءبىز ءوز ەڭبەگىمەن ەلىمىزدىڭ قاۋىپسىزدىگىنە ۇلەس قوساتىنداردى, كاسىبي جەتىستىكتەرى ارقىلى ونىڭ دامۋىنا جانە وركەندەۋىنە ۇلەس قوساتىنداردىڭ بارلىعىن قۇرمەتتەيمىز.
قىمباتتى قازاقستاندىقتار! سىزدەرگە شىن جۇرەكتەن باقىت, بەيبىتشىلىك پەن مەيىرىمدىلىك, وتباسىلارىڭىزعا كەلىسىم مەن بەرەكە تىلەيمىز.
مەرەكەمىز ءاردايىم بەيبىت جانە قۋانىشتى بولسىن!
قازاقستان حالقى اسسامبلەياسى